Бахчисарай алтында Альма муаребеси темаша этильди

Сентябрь 28-де Бахчисарай алтында Альма озен этегинде 1853—1856 сс Къырым дженкининъ биринджи буюк муаребенинъ левхаларындан бири арбий-тарихий темаша этильди.

КъМДж Юкъары Радасынен, мухтариет укюметинен, «Бахчисарай тарихий-медений къорукъ» КъДжМ, «Шереметьевлер музейи»нинъ тесисчиси Алексей Шереметьев тарафындан тешкиль олунгъан тедбир 1853—1856 сс Къырым дженки йылларында эляк олгъан арбийлернинъ хатырасыны эбедийлештирюв боюнджа Къырым парламентининъ Тешкилий комитесинен тасдикълангъан джумхуриет тедбирлери черчивесинде олып кечти.