Джумхуриетнинъ Девшурасы биринджи ве экинджи окъувда бир сыра къанунларны къабул этти

2014 сенеси июнь 25-те къырым парламентининъ пленар топлашувында экинджи окъувда бир сыра къанун лейихалары къабул этильди.

Ойлеликнен, ойле къанун лейихалары къабул этильди: «Къырым Джумхуриети Девлет Шурасынынъ депутатларынынъ сайлавлары акъкъында» Къырым Джумхуриетининъ Къанунына денъишмелер кирсетильмеси акъкъында», «Къырым Джумхуриетинде айры севиедеки гражданларнынъ нефакъа теминлевини базы тертипке кетирюв меселелери акъкъында», «Къырым Джумхуриетининъ Къанунларына денъишмелер кирсетильмеси акъкъында».

Ондан гъайры, къырым парламентининъ депутатлары биринджи окъувда 10 къанун лейихасыны музакере эттилер ве къабул эттилер. Олардан: «Къырым Джумхуриетининъ адлие палатасы янында квалификацион комиссиясына Къырым Джумхуриетининъ Девлет Шурасынынъ векиллерни сайлав тертиби акъкъында», «Къырым Джумхуриетинде ичтимаий ишбирлик органлары акъкъында», «Къырым Джумхуриетинде байрам ве хатыра куньлери, профессиональ байрамлары ве дигер муим куньлери акъкъында», Къырым Джумхуриетининъ девлет мукяфатлары акъкъында», «Къырым Джумхуриетинде яшагъан балалыкътан сакъатларгъа ве сакъат-балаларгъа девлет ярдымыны теминлев акъкъында».