Студентлернинъ меселелерини ве ихтияджларыны анъламакъ

Къырым парламентининъ вице-спикери Григорий Иоффе, Президиум азалары ве Къырым Мухтар Джумхуриети Юкъары Радасынынъ депутатлары «Къырым муэндислик-педагогик университети» Джумхуриет алий окъув юртунынъ студентлери ве муаллимлеринен корюштилер.

Корюшюв кетишатында къырымтатар тилини сакълап къалув ве инкишафы, мухтариетнинъ мектеплеринде къырымтатар тилинде ве Къырымнынъ дигер халкълары тиллеринде окъутув тешкиль этильмеси, студентлерге стипендилерни котермек, Къырым алий окъув юртларыны малиенен теминлевни арттырув, Къырым муэндислик-педагогик университетининъ бутюнлей ишинен (алий окъув юртуна къошма одалар керек, олгъан корпусларда тамирлев ишлеринде къол тутув) ве диг. меселелер музакере этильди.