Джанкой районында дженкчи-койдешлерге багъышлангъан абиденинъ тантаналы ачылышыГъалебе кунюнден эвель Джанкой районынынъ Медведевка коюнде Къырым Мухтар Джумхуриети Юкъары Радасынынъ Президиум азаларынынъ шахсий васталары эсабына гъайрыдан тикленген, «Дженкчи-койдешлер хатырасына Хатыра бельгиси» мааллий эмиети олгъан абиденинъ тантаналы ачылышы олып кечти. Мерасимде иштирак эткен Къырым парламентининъ башы Владимир Константинов, онынъ биринджи муавини Константин Бахарев, КъМДж ЮР Реисининъ муавини Григорий Иоффе, КъМДж ЮР нормаяратыджылыкъ фаалиети, Юкъары Радасынынъ ишини тешкиль этюв ве джемиетнен багъ боюнджа Даимий комиссиясынынъ реиси Ефим Фикс, КъМДж ЮР ичтимаий меселелер, сагълыкъны сакълав ве ветеранлар ишлери боюнджа Даимий комиссиясынынъ реиси Петр Запорожец, КъМДж ЮР тасиль, илим, яшлар ишлери ве спорт боюнджа Даимий комиссиясынынъ реиси Валерий Косарев, КъМДж ЮР региональ инкишафы, къуруджылыкъ ве саиплештирюв узеринден незарет боюнджа Даимий комиссиясынынъ реиси Константин Мальчиков, эм де Джанкой райдевмемуриетининъ реиси Александр Сидоренко, Джанкой район шурасынынъ реиси Елена Черникова, Медведевка койнинъ башы Николай Желанников, Улу Ватан дженкининъ ветеранлары, Медведевка койнинъ сакинлери, талебелер.
Улу Ватан дженки Гъалебенинъ 66 йыллыгъы мунасебети иле ве Джанкой районынынъ Медведевка койнинъ эляк олгъан дженкчи-койдешлер абидесининъ ачылышына багъышлангъан митингдеки чыкъышында Къырым спикеры Владимир Константинов къайд этти, Къырым Мухтар Джумхуриети Юкъары Радасынынъ депутатлары Улу Ватан дженки вакъиаларынен багълы абиделерни ве абидевий ерлернинъ вазиети узеринден незарет этюв ве къорулмасыны озь эмиетли вазифеси оларакъ саялар. О къайд этти, Къырымнынъ джеми регионларында бойле объектлернинъ эсап-китабы ве техникий весикъалары берильмеси екюнленди.
Алла Горева, |
