Владимир Константинов макеме приставларны емин эткенлери иле хайырлады

Улу Ватан дженкинде Гъалебенинъ 69-нджы йыллыгъыны къайд этюви арфесинде, майыс 8-де, Симферопольде, Гагарин ад. раатлыкъ мейданында 114 макеме пристав-иджра этиджилерини емин этюв тантаналы мерасими олып кечти.
Тедбирде Къырым Джумхуриети Девлет Шурасынынъ Реиси Владимир Константинов, Русие Федерациясынынъ баш макеме приставы – макеме приставларнынъ федераль хызметининъ мудири Артур Парфенчиков, укъукъкъоруйыджы ве незарет этиджи органларынен ишбирлиги боюнджа КъДж Девлет Шурасы даимий комиссиянынъ реиси Людмила Лубина, Къырым Джумхуриетининъ адлие назири Елена Сотникова, Къырым силя къурулушларнынъ реберлери, Улу Ватан дженкининъ ветеранлары, дин джемиетлернинъ, джемаат тешкилятларнынъ темсильджилери, Симферопольнинъ сакинлери иштирак эттилер.