Григорий Иоффе: «Къырым парламенти тарафындан Украина Анаясасына къаршы олгъан бир тюрлю укюм къабул олунмады»

КъМДж Юкъары Радасы тарафындан Украина Анаясасына къаршы олгъан бир тюрлю укюм къабул олунмады. Февраль 4-де Къырым парламентининъ вице-спикери Григорий Иоффе «Громадське ТБ» телеканалына бу акъта беян этти.

Украина Юкъары Радасынынъ сез сербестлиги ве информацион меселелер боюнджа Комитетининъ башы Николай Томенконынъ Къырым парламенти Украина теркибинден чыкъмасы боюнджа сиясий-укъукъий иш башлагъаны, ве Украина Юкъары Радасы Къырым парламентини дагъытмакъ кереклиги фикирлери акъкъында Г. Иоффе:
«Къырым парламенти, я да Юкъары Шурасынынъ Президиумы тарафындан Къырымнынъ Анаясасы денъишмесинен багълы бир тюрлю укюм къабул этильмеди», — къайд этти Г. Иоффе.
Онынъ сезлерине эсасланаракъ, февраль 4-де КъМДж ЮР Президиумы отурышында депутатлар Украинада сиясий вазиети акъкъында озь фикирлерини беян эттилер: мемлекет бухран вазиетинде булунгъаны себеби иле, ве базы сиясий кучьлер, мисаль оларакъ «Свобода» ББ Къырым мухтариети статусыны екъ этмек кереклиги фикирлерни эсапкъа аларакъ, КъМДж Анаясасында мухтариет статусыны сакълап къалув механизмлерини огюнден козь огюне алмакъ керек.