Владимир Константинов: «Мемлекетте вазиетни тертиплештирмек ичюн умуммиллий диалог лязим»

Къырым парламентининъ башы Владимир Константинов Президиум азалары ве Къырым Мухтар Джумхуриети Юкъары Радасынынъ депутатлары мухтариетнинъ миллий-медений джемиетлерининъ башлыкъларынен ве темсильджилеринен корюшюви кетишатында мемлекетте ичтимаий-сиясий вазиетни музакере эттилер.

Озь мураджаатында, спикер къайд этти, бугунь Украинада инсанлар арасында итибар тюштю ве «бу аслында земаневий джемиет ичюн анормаль вазиет». «Бу себептен, джеми кетишатларгъа тесир этильмеси усулларындан энъ эйиси — диалог ве джеми севиелерде вазиетнинъ музакере этилюви», — къайд этти о.