КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ ИЮЛЬ 17-ДЕ КЪАБУЛ ОЛУНГЪАН 183-3/02 САНЛЫ КЪАРАРЫ ИЛЕ ТАСДИКЪЛАНГЪАН 2002—2010 СЕНЕЛЕРИНЕ «ШАХСИЙ ЭВ» КОЙДЕ ХУСУСИЙ МЕСКЕН КЪУРУДЖЫЛЫГЪЫНА КЪОЛТУТУВ ДЖУМХУРИЕТ ПРОГРАММАСЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджи маддесиндеки экинджи къысымынынъ 11 пунктына, Къырым Мухтар Джумхуриети Юкъары Радасынынъ 2007 сенеси декабрь 19‑да къабул олунгъан «Къырым Мухтар Джумхуриети Юкъары Радасынынъ 2002 сенеси июль 17‑де къа­бул олунгъан 183-3/02 санлы Къарары иле тасдикълангъан, 2002—2010 сенелерине «Шахсий эв» коюнде хусусий мескен къуруджылыгъына къол тутув Джумхурий программасынынъ эда этильмеси кетишаты ве денъишмелер кирсетильмеси акъкъында» 687-5/07 санлы Къарарынынъ 1‑нджи пунктын­даки 1.3 пунктастына бинаен, мескен къуруджылыгъында кой эалисине къол тутув боюнджа ишнинъ семерели олувы макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2002 сенеси июль 17-де къабул олунгъан 183-3/02 санлы Къарары иле (Къырым Мухтар Джумхуриетининъ норматив-укъукъий актлар Топламы, 2002 с., 7 сан, 592 мад.; 2004 с., 11 сан, 998 мад.; 2007 с., 12 сан, 1248 мад.) тасдикълангъан 2002—2010 сенелерине «Шахсий эв» коюнде хусусий мескен къуруджылыгъына къол тутув Джумхурий программасына ашагъыдаки денъишмелер кирсетильсин:

1) II болюгиндеки 9-нджы пунктынынъ секизинджи сатыр башында «ве бюджеттен тыш менбалардан тешеккюль этильген паралар» сезлери «ве ерли бюджетлери, эм де амелий къанунджылыгъына зыт кельмеген дигер менбалардан дигер васталар» сезлерге денъиштирильсин;

2) II болюгиндеки 10-нджы пунктынынъ 10.1 пунктасты ашагъыдаки тарирде арз этильсин:

«10.1. Тедбирлерге кредит берильмеси:

мескенлер, ярдымджы одалар, ходжалыкъ иншаатлар, муэндислик агъларгъа гъайрыдан тикленген хусусий мескен эвлер, даирелер, дигер объектлернинъ къуруджылыгъы, къуруджылыгъынынъ екюнленюви ве гъайрыдан тикленмеси боюнджа;

азыр я да къуруджылыгъы сонъуна етмеген хусусий мескен эвлерни, даирелерни сатын алынмасы боюнджа, шу джумледен оларнынъ къуруджылыгъы я да гъайрыдан тикленюви ишлернинъ екюнленмеси;

мескен эвлерге ички ве тыш муэндислик агъларнынъ къурумы боюнджа (сувнен теминлев, газнен теминлев, канализация, исситюв- ве энерготеминлев ве дигер.);

къуруджылыкъ мальземелерни, койходжалыгъынынъ донатма ве техникасыны, койходжалыгъынынъ яш айванлар, къушлар, емлер сатын алувы боюнджа;

джумхуриетининъ кой ерлеринде мескен къуруджылыгъына, къуруджылыкънынъ екюнленмесине, гъайрыдан тикленмесине, сатын алувына койдеки къуруджыларгъа дигер кредит-малие муэссиселеринен (банкларнен) такъдим этильген кредитлер боюнджа файыз ставкаларны одемек ичюн;

кредит анълашувы, эманет (ипотека) малнынъ ве кредитнинъ согъртасы боюнджа меджбуриетлери одюндж алгъанлары иле беджерильмесини теминлеген лейха-смета весикъалары ишленмеси вакъы­тында, весикъаларнынъ нотариаль шаат олувы, одюндж алгъанларгъа масрафларны одемек ичюн.

Джумхуриетининъ кой этрафларында ве район къыйметиндеки шеэрлерде яшагъан Украинанынъ гражданларына, 20 йыл муддети иле, яш къоранталаргъа (къоджанынъ ве къадыннынъ асыры 35 яшындан зияде олмамазлыгъы иле) я да толу олмагъан къоранталаргъа (анасы (бабасы) 35 яшындан зияде олмамазлыгъы иле) — 30 яшы толувына къадар, кредитлер берильмеси эда этиледжек. Йыллыкъ 3 % кредит теклиф этильмесининъ эсас принциплерине риает этильмеси иле кредит бериле: макъсатлы файдаланувы, аджелелиги, теленмеси, къайтарылмасы. Яшлар ичюн ве чокъбалалы къоранталаргъа къошма имтияз тайинлене — зыфыр файызлы ставка. Кой ходжалыгъы­нынъ ишханелер, муэссиселер ве тешкилятларында, агросанайы комплексининъ ишлеп чыкъарув ве хызмет косьтерюв сааларында, койнинъ ичтимаий саасынынъ ве район сынъырларында ерлешкен ерли мустакъиль идарелиги органларында чалышкъан одюндж алгъанларгъа ве чокъбалалы къоранталаргъа имтиязлы кредитке устюнлик укъукъ такъдим этиле.

Конкрет одюнджиге кредит такъдим этильмесининъ микъдары ве муддети одюнджи хорантасынынъ умумий келири ве кредит берильген тедбирнинъ спецификасындан акъибет Фондунен тайин этиле. Кредитнинъ къарар микъдары 200,0 бинъ грн.»;

3) II болюгининъ 11-нджи пунктындаки алтынджы сатыр башында «азырлыгъынынъ юксек файызы (75—100%) олувы иле» сезлеринден сонъ «экинджи чаршысында азыр мескенни сатын алув ве койдеки айры топракъларны газнен теминлев» сезлери къошулсын.

2. Мезкюр Къарар къабул этильген кунюнден арекетке кире.