КъМДж ЮР Къарары

КЪЫРЫМ МУХТАР ДЖУМХУРИЕТИНДЕ ОБЪЕКТЛЕРНИ ЕРЛЕШТИРМЕК ИЧЮН ТОПРАКЪ АЙЫРУВ ВЕ ОБЪЕКТЛЕРНИНЪ ЕРЛЕШКЕН ЕРЛЕРИ МАЛЮМАТЛАРЫНЫ УЙГЪУНЛАШТЫРУВ МЕСЕЛЕЛЕРИ АКЪКЪЫНДА

Къырым Мухтар Джумхуриетининъ Юкъары Радасы Анаясасынынъ 21-нджи маддесине, 26-нджи маддеси экинджи къысмынынъ 1, 31 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджи маддеси экинджи къысмынынъ 32-нджи пунктына, Украина Топракъ кодексининъ 151-нджи маддесине, Украина Назирлер Кабинетининъ 2004 сенеси март 31-де къабул олунгъан «Объектлерни ерлештирмек ичюн топракъ айырув Тертибини тасдикълав акъкъында» 427 санлы Къарарына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Объектлерни ерлештирмек ичюн топракъ айырув меселелерини Къырым Мухтар Джумхуриетинде музакере эткенде, эм де Украина амельдеки къануджылыгъына мувафыкъ топракъ мунасебетлери саасында векялетлерини беджерген органлары топракъ такъдим эткенинен багълы объектлернинъ ерлешюви ерлери малюматларыны уйгъунлаштырылмасы иле тайинленсин, весикъаларгъа ашагъыдаки нетиджелер (анълашувлар) иляве этиле:

1) Шуранынъ къарары тарзында ресмийлештирильген территориаль громадалары топракъларында объектлернинъ къурулышы ерлери уйгъунлашмасы акъкъында — аит олгъан ерли мустакъиль идаре этюв органлары;

2) Аит къарарлар тарзында ресмийлештирильген девлет мульки топракъларында объектни ерлештирюв ери уйгъунлашувы акъкъында — Къырым Мухтар Джумхуриетинде район девлет мемуриетлери, Къырым Мухтар Джумхуриетининъ назирлер Шурасы;

3) Объектнинъ ерлештирюв ерини уйгъунлаштырмакъ акъкъында — дигер топракътан файдаланыджылары, топракънынъ мулькиетчилери;

4) Амельдеки къанунджылыкънен козьде тутулгъан тертипте, уйгъунлашкъан объектни топракъта ерлештирюв чарелери акъкъында — Къырым Мухтар Джумхуриетининъ къуруджылыкъ сиясети ве мимарджылыгъы Назирлиги, Къырым Мухтар Джумхуриетинде шеэр шуралары ве район девлет мемуриетлери иджра комитетлернинъ шеэр къуруджылыгъы ве мимарджылыкънынъ махсус векялетли органларны;

5) Такъдим этильген, объектнинъ ерлештирюв ери уйгъун малюматлары амельдеки топракъ къанунджылыгъынынъ талапларына аит олгъаны акъкъында — Къырым Мухтар Джумхуриетининъ топракъ ресурслары боюнджа Джумхурий комитети я да иджра акимиетининъ топракъ ресурслары меселелери боюнджа девлет органларнынъ мааллий болюклери (идарелери);

6) Объектни ерлештирюв ери уйгъунлашкъан такъдим этильген малюматлары табиат къорув къанунджылыгъы талапларына аит олгъаны акъкъында — Къырым Мухтар Джум­хуриетининъ этрафтаки табиат муитини муафаза этюв боюнджа Джумхурий комитети;

7) Айырылгъан топракъта уйгъунлашкъан объекти ерлешюви имкяниети акъкъында — Къырым Мухтар Джумхуриетининъ медений асабалыгъыны муафаза этюв боюнджа Джум­хурий комитети;

8) Дагъ ходжалыгъы топракълары севиесинден айырылгъан топракъта уйгъунлашкъан объектнинъ ерлешюви имкяниети акъкъында — Къырым Мухтар Джумхуриетининъ дагъ ве авджылыкъ ходжалыгъы боюнджа Джумхурий комитети;

9) Уйгъунлашкъан объектлерини ерлештирмек ичюн айырылгъан топракънынъ мунасиплиги акъкында — Къырым джумхурий санитарлыкъ-эпидемиологик станциясы я да онынъ территориаль органлары.

Объектлернинъ ерлершюв ерлерини уйгъунлаштырув малюматлары бойле мунджери­джели олмакъ лязим:

баш мимары изин бермеси иле эали яшагъан пунктнынъ эсас планы я да дигер шеэр къуруджылыгъы весикъаларнынъ экинджи нусхасы;

умумий мейданыны, объектни ерлештирюв усулларыны къайд этмеси иле айырылгъан топракъ планнынъ экинджи нусхасы;

аит муурьлер ве имзалар къоюлгъан объектлерни ерлештирюв усуллары къайд этильген айырылгъан топракънынъ экинджи нусхаларнынъ илявеси иле, топракъларнынъ севиелери боюнджа айры топракъларнынъ теркиби айырылгъан топракънынъ тарифлемесини беслеген, ернинъ (топракънынъ теркиби), осюмликнинъ кейфиетли тарифлемесини беслеген айырылгъан топракънынъ сайлав акты;

кой ходжалыгъы ве дагъ ходжалыгъы истисалынынъ гайыплары ольчюсининъ эсап этильмеси (кой ходжалыкъ ве дагъ ходжалыкъ истисалынен багълы олмагъан ихтияджларгъа кой ходжалыкъ ве дагъ айры топракъларында макъсатлы ерлешюви заманда).

Адлие шахсыны девлет джедвелине алув акъкъында шеадетнаме ве Къырым Мухтар Джумхуриетинде статистик Баш идаресинен берильген Украина ишханелер ве тешкилятларнынъ Бирлик девлет реестиринден кочюрме малюматларгъа иляве этилелер.

2. Мезкюр Къарарына аит объектлерни ерлештирюв ичюн айырылгъан топракъларнынъ тайинленген шекильде сайлав актынынъ Къырым Мухтар Джумхуриетининъ назирлер Шурасына ишленмеси ве тасдикъланмасы авале этильсин.

3. Мезкюр Къарар къабул этильген кунюнден арекетке кире.