Къырым Мухтар Джумхуриети Анаясасынынъ 26-нджи маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси октябрь 24-те къабул олунгъан 605-5/07 санлы Къарары иле (Къырым Мухтар Джумхуриетининъ норматив-укъукъий актлар Топламы, 2007 с.,10 сан, 985 м.) тасдикълангъан 2007—2010 сенелерине къоранталаргъа къолтутув Джумхурий программасына ашагъыдаки денъишмелер кирсетильсин:
V болюгинде:
2-нджи пунктына ашадаки мундериджели 2.12, 2.13 пунктастлары къошулсын:
«2.12. Къырым Мухтар Джумхуриетинде юклю къадынларнынъ сагълыгъыны сакълав саасында ишлернинъ вазиети тедкъикъ этильмеси, шу саада ишлерни эйилештирювине лязим малие масрафларны бельгилемек макъсадларында локъса къадынларгъа бедава тедавий ярдым берильмесини теминлемек ве шу масрафларнынъ ве лязим олгъан тедбирлери акъкъында иджра акимиетининъ меркезий органларына теклифлер кирсетильмеси.
| Беджериджилер: | КъМДж сагълыкъны сакълав Назирлиги, КъМДж малие Назирлиги |
| Эда этильмеси муддети: | 2008 сене |
2.13. Къырым Мухтар Джумхуриетининъ эали яшагъан пунктларында спорт къурулышлары, мейданчыкълар, балаларгъа раатлыкъ ерлери, эвлер къаршысында ешерлик кошечиклери, спорт секциялары, балалар бахчалары, яслилер, даирелер, яш техниклер станциялары ве дигерлери эсапкъа алынсын, ве мезкюр объектлернинъ агъларыны кенишлетюв боюнджа комплекс тедбирлер алынсын. Саиплештирювге муим олгъан коммуналь мульки объектлернинъ джедвеллери тасдикъланмасы иле юкъарыда къайд этильген объектлернинъ мезкюр джедвеллерине кирсетильмеси ерли шуралары иле лягъу этильсин, эм де оларны гъайрыдан профиллештирмек ве екъ этмек.
| Беджериджилер: | КъМДж ерли мустакъиль идаре этюв органлары КъМДж район девлет мемуриетлери, КъМДж яшлар ишлери, къоранта ве гендер сиясети боюнджа Назирлиги, КъМДж тасиль ве илим боюнджа Назирлиги, КъМДж беден тербиеси ве спорт боюнджа Джумхурий комитети, КъМДж мулькиети Фонду |
| Эда этильмеси муддети: | 2008—2010 сенелери»; |
3-нджи пункткъа ашадаки мундериджели 3.10, 3.11 пунктастлары къошулсын:
«3.10. Къорантада ичкиджилик, алкоголизм, наркоманиянен муджаделе боюнджа тедбирлернинъ ишлеп чыкъарылмасы ве эда этильмеси.
| Беджериджилер: | КъМДж яшлар ишлери, къоранта ве гендер сиясети боюнджа Назирлиги, КъМДж сагълыкъны сакълав Назирлиги, шеэр шураларнынъ иджра комитетлери, КъМДж район девлет мемуриетлери |
| Эда этильмеси муддети: | 2008—2010 сенелери |
3.11. Кутьлевий малюмат васталарында зорбалыкъ ве зарымлыкъ пропагандасына къаршы чыкъкъан амельдеки къанунджылыкънынъ беджерильмесине незаретни кучьлештирюв боюнджа Украина Назирлер Кабинетине мураджаат азырланмасы ве елланмасы.
| Беджериджилер: | КъМДж малюмат боюнжда Джумхурий комитети, КъМДж яшлар ишлери, къоранта ве гендер сиясети боюнджа Назирлиги |
| Эда этильмеси муддети: | 2008 сенеси». |
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 761-5/08 |