КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕРНИНЪ ТАКЪДИМ ЭТИЛЬМЕСИ АКЪКЪЫНДА РИДЖАНАМЕЛЕРНИ УЙГЪУНЛАШТЫРУВ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2, 9 пунктларына, 26-нджы маддесиндеки экинджи къысымынынъ 31-нджи пунктына, ер асты байлыкълары акъкъында Украина Къануннамесининъ 9-нджы маддесиндеки 2-нджи пунктына, 16, 19 мадделерине, Украина Назирлер Кабинетининъ 2010 сенеси июнь 23-те къабул этильген 596 санлы Къарарынен тасдикълангъан, ер асты байлыкъларындан файдаланмакъ ичюн махсус изинлерни 2010 сенесинде такъдим этюв Тертибининъ 8, 19, 21 пунктларына мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлерни аукционсыз такъдим этюв акъкъында риджанамелери уйгъунлаштырылсын:

1) «Полтава-Крым» Санаторий» ачыкъ акционер джемиетине — Къырым Мухтар Джумхуриетининъ Саки ш. Саки тедавий балчыкъ чамурлары ер догъумынынъ Западный бассейн амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) «Крым» тиббий акъланув ве санаторий тедавийлев меркези (арбий къысмы А0360) (шчкъ Партенит, Алушта ш.) — Къырым Мухтар Джумхуриетининъ Алушта ш. Партенит шчкъ Западно-Крымское ер асты татлы сувлары ер догъумынынъ (№№ 3-Э (5935), 4-Э (5938), 10-Э (5936), 6-Г (5934), 8-Г (5937) бужарлары) Партенитское дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

3) «АНТЕЛЬФТЕРМИНАЛ» (Керчь ш.) месулиети сынъырлангъан джемиетке — Къырым Мухтар Джумхуриетининъ Ленино районында Керчь ер асты татлы сувлары ер догъумынынъ (№ 2436, № 2437 бужарлары) Баксинский дамартысыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

4) «СТРОЙИНДУСТРИЯ» БАХЧИСАРАЙ КОМБИНАТЫ» шахсий акционер джемиетке (Бахчисарай ш.) — озь болюгини — «Волна» пансионатыны (Песчаное к., Бахчисарай районы) ходжалыкъ-ичимлик ве техник сувнен теминлемек макъсады иле Къырым Мухтар Джумхуриетининъ Бахчисарай районынынъ Песчаное к. «Вилинский-1» дамартысында (сармат ер асты голю, № 181 бужары) ер асты татлы сувлар ихтияты къысымыны ишлеп чыкъармакъ ичюн.

2. «СТРОЙИНДУСТРИЯ» БАХЧИСАРАЙ КОМБИНАТЫ» шахсий акционер джемиетине (Бахчисарй ш.) Къырым Мухтар Джумхуриетининъ Бахчисарай ш. цемент мальземеси Бахчисарай ер догъумында къумбалчыкъ ве мергель чыкъармакъ ичюн ер асты байлыкъларындан файдаланмакъ ичюн махсус изиннинъ арекет этюв муддети узатылмасы ве гъайрыдан ресмийлештирильмеси уйгъунлаштырылсын.

3. Мезкюр Къарар къабул этильген кунюнден арекетке кире.