Къырым Мухтар Джумхуриети Анаясасынынъ 18-нджи маддесиндеки учюнджи къысымына, 26-нджы маддесиндеки экинджи къысымынынъ 36-нджы пунктына ве Къырым Мухтар Джумхуриети Юкъары Радасынынъ 1998 сенеси декабрь 24-те къабул этильген 315-2/98 санлы Къарарынен тасдикълангъан, ичтимаий-икътисадий ве медений сааларда Къырым Мухтар Джумхуриетининъ темсилий ве иджра акимиети органларнынъ Украина регионларынен ве эджнебий девлетлернен ишбирлиги акъкъында мукъавелелерни азырлав, тизюв, амельге кечирюв ве арекет этмесини токътатув тертиби акъкъында Низамнамесине мувафыкъ, Къырым Мухтар Джумхуриетининъ (Украина) ве Лангедок-Руссильон (Франция Джумхуриети) регионлары арасында ишбирлигининъ илериде инкишафы макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Тиджарет-икътисадий, ильмий-техникий ве медений ишбирлиги акъкъында Лангедок-Руссильон регионынынъ (Франция Джумхуриети) ве Къырым Мухтар Джумхуриетининъ (Украина) темсилий ве иджра акимиети органлары арасында Мукъавеле тасдикълансын (иляве этиле).
2. Мезкюр Мукъавелени амельге кечирюв боюнджа ишни тешкиль этюв Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |