КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2007 СЕНЕСИ СЕНТЯБРЬ 19-да КЪАБУЛ ЭТИЛЬГЕН «КОЙ ЕРЛЕРИНДЕКИ ТЕДАВИЙЛЕВ-ОГЮНИ АЛУВ МУЭССИСЕЛЕРИНДЕ ХЫЗМЕТ ЭТКЕН ТИББИЕТ ХАДИМЛЕРГЕ ИЧТИМАИЙ ЯРДЫМНЫНЪ КЪОШМА ШЕКИЛЛЕРИ ТАЙИН ЭТИЛЬМЕСИ АКЪКЪЫНДА» 560-5/07 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Кой ерлериндеки тедавийлев-огюни алув муэссиселеринде хызмет эткен тиббиет хадимлерге ичтимаий ярдымнынъ къошма шекиллери тайин этильмеси акъкъында» 560-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 9, 851 мад.; 2010 с., № 6, 456 мад.) ашагъыдаки денъишмелер кирсетильсин:

1) адында «тедавийлев-огюни алув муэссиселеринде» сезлер «ве окъув юртларында» сезлернен текмилленсин;

2) 1-нджи пунктынынъ биринджи сатырбашы ашагъыдаки тарирде арз этильсин:

«1. Кой ерлериндеки тедавийлев-огюни алув муэссиселеринде (кой экимлер амбулаторияларда, къоранта тиббиети кой экимлер амбулаторияларда, къоранта тиббиети болюклери иле кой экимлер амбулаторияларда, яшагъан ерлери боюнджа хастаханелерде, фельдшер-эбанайлыкъ пунктларда) ве кой ерлериндеки окъув юртларда (умумтасиль, мектепкедже, мектептен тыш, зенаат-техникий окъув юртларда, балалар эвлеринде) хызмет эткен тиббиет хадимлерге ашагъыдаки иляве ве къошма пара тарзында ичтимаий ярдымнынъ къошма шекили тайин этильсин:»;

3) 2-нджи пунктында «тедавийлев-огюни алув муэссиселери» сезлери «ве окъув муэссиселери» сезлеринен текмилленсин;

4) 2-1 пункты ашагъыдаки тарирде арз этильсин:

«2-1. Кой ерлериндеки тедавийлев-огюни алув муэссиселеринде (кой экимлер амбулаторияларда, къоранта тиббиети кой экимлер амбулаторияларда, къоранта тиббиети болюклери иле кой экимлер амбулаторияларда, яшагъан ерлери боюнджа хастаханелерде, фельдшер-эбанайлыкъ пунктларда) ве кой ерлериндеки окъув юртларда (умумтасиль, мектепкедже, мектептен тыш, зенаат-техникий окъув юртларда, балалар эвлеринде) бир айда 210,0 грн. эсабындан экимлерге ве чалышкъан бир ай ичюн эсас ве толу олмагъан алий тиббий тасиль алгъан мутехассысларгъа бир айда 260,0 грн. ичтимаий ярдым тайин этильсин».

2. Къырым Мухтар Джумхуриети Юкъары Радасынынъ 2007 сенеси ноябрь 21-де къабул этильген 644-5/07 санлы Къарарынен тасдикълангъан, 2008—2012 сенелерине Къырым Мухтар Джумхуриетининъ «Къырым сакинлернинъ сагълыгъы» Программасына денъишмелер кирсетильмеси акъкъында Къырым Мухтар Джумхуриети Юкъары Радасынынъ къарар лейихасыны Къырым Мухтар Джумхуриетининъ Юкъары Радасынен музакере этильмеси ичюн тайинленген тертипте азырламакъ ве кирсетмек Къырым Мухтар Джумхуриетининъ назирлер Шурасына авале этильсин.

3. Мезкюр Къарар къабул этильген кунюнден арекетке кире, 2011 сенеси январь 1-ден арекетке киреджек мезкюр Къарарнынъ 1-нджи пунктынынъ 1, 4 пунктастларындан, Къырым Мухтар Джумхуриети Юкъары Радасынынъ 2010 сенеси июнь 16-да къабул этильген «Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Кой ерлеринде тедавийлев-огюни алув муэссиселеринде хызмет эткен тиббиет хадимлерге ичтимаий ярдымнынъ къошма шекиллерини тайинлев акъкъында» 560-5/07 санлы Къарарына денъишмелер кирсетильмеси акъкъында» 1794-5/10 санлы Къарарынынъ 2-нджи пункты озь кучьни джойды деп сайылгъан вакъыттан арекетке кирген мезкюр Къарарнынъ 1-нджи пунк­тынынъ 2, 3 пунктастларындан гъайры.