Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 11-нджи пунктына, «Девлет макъсатлы программалар акъкъында» Украина Къанунынынъ 6-нджы маддесине мувафыкъ, къырымтатар халкъы медениетининъ озьгюнлигини сакълап къалув, къырымтатар тилининъ арекет этюв саасыны кенишлетмек ве мусаабе саасыны яратмакъ, Къырым Мухтар Джумхуриетинде къырымтатар тилинде тасилят къурулышыны мукеммеллештирюв макъсатларында
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде къырымтатар тилинде тасилят Концепциясы такъдир этильсин (иляве этиле).
2. Къырым Мухтар Джумхуриетинде къырымтатар тилинде тасилят Концепциясыны «Девлет макъсатлы программалар акъкъында» Украина Къанунынынъ 6-нджы маддесине мувафыкъ уйгъунлаштырмакъ ве Къырым Мухтар Джумхуриетинде къырымтатар тилинде тасилят девлет макъсатлы программасы тарзында Украина Назирлер Кабинетинен музакере этильмеси ве тасдикъланмасы ичюн такъдим этмек Къырым Мухтар Джумхуриетининъ назирлер Шурасына авале этильсин.
3. Мезкюр Къарар эда этильмеси боюнджа незарет миллетара мунасебетлер ве сюргюн олунгъан гражданлар меселелери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |