КъМДж ЮР Къарары

2011 СЕНЕСИНЕ КЪЫРЫМ МУХТАР ДЖУМХУРИЕТИНДЕ ЕРЛИ МУСТАКЪИЛЬ¬ ИДАРЕЛИГИНИНЪ ИНКИШАФЫ ВЕ КЪОЛ ТУТУВ КОМПЛЕКС ПЛАНЫ АКЪКЪЫНДА

Украина Анаясасынынъ 7-нджи ве 142-нджи мадделерине, Къырым Мухтар Джумхури­ети Анаясасынынъ 42-нджи маддесине, «Украинада ерли мустакъиль идарелиги акъкъында» Украина Къанунынынъ 62-нджи маддесине, Украина Президентининъ 2001 сенеси август 30-да къабул этильген «Украинада ерли мустакъиль идарелигининъ инкишафына девлет тарафындан къол тутув акъкъында» 749/2001 санлы Ферманына мувафыкъ, Къырым Мухтар Джумхуриетинде ерли мустакъиль идарелигининъ илеридеки инкишафы макъсады иле

Къырым Мухтар Джумхуриетининъ Юкъары Радасы  к ъ а р а р  б е р е:

1. 2011 сенесине Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планы тасдикълансын (иляве этиле).

2. 2011 сенесине Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планынынъ тедбирлери амельге кечирильмеси Къырым Мухтар Джумхуриети Юкъары Радасынынъ 2001 сенеси ноябрь 21-де къабул этильген 2145-2/01 санлы Къарарынен мейдангъа кетирильген, Къырым Мухтар Джумхуриетинде ерли мустакъиль идарелигининъ инкишафы ве къол тутув комплекс планларны амельге кечирюв боюнджа Координацион шурасына юкленсин.

3. 2011 сенесине Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планынынъ тедбирлерини малиенен теминлемек ичюн масрафлар джедвели тасдикълансын (иляве этиле)*.

4. Къырым Мухтар Джумхуриетининъ 2011 сенесине бюджет лейихасы тешкиль этильмеси заманда Къырым Мухтар Джумхуриетининъ назирлер Шурасынен козьде тутулсын:

айры сатырнен 2011 сенесине Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планынынъ 80,0 бинъ грн. микъдарында макъсатлы малиенен теминлеви;

2011 сенесинде ерли мустакъиль идарелигининъ инкишафы лейихалар ве программалар Бутюнкъырым ярышы кечирильмесини ве гъалип чыкъкъан лейихалар ве программаларнынъ амельге кечирильмесини малиенен теминлемек ичюн 3500,0 бинъ грн. микъдарында васталар.

5. 2011 сенесине Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планынынъ тедбирлери эда этильмеси акъкъында эсабат 2012 сенеси февраль айында Къырым Мухтар Джумхуриетининъ Юкъары Радасына такъдим этмильмеси Къырым Мухтар Джумхуриетинде ерли мустакъиль идарелигининъ инкишафы ве къол тутув Комплекс планларнынъ амельге кечирильмеси боюнджа Координацион шурасына авале этильсин.

6. Мезкюр Къарар эда этильмеси боюнджа незарет ерли мустакъиль идарелиги ве мемурий-территориаль меселелери боюнджа Даимий комиссиясына авале этильсин.

7. Мезкюр Къарар къабул этильген кунюнден арекетке кире.