Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1, 11 пунктларына, Украина Топракъ къануннамесининъ 7, 178 мадделерине, «Топракъларны къорув акъкъында» Украина Къанунынынъ 7-нджи маддесине мувафыкъ, топракъларындан анълакъсал файдаланув ве къорув макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасы тасдикълансын (иляве этиле).
2. Къырым Мухтар Джумхуриетининъ назирлер Шурасына авале этильсин:
2.1. 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасынынъ тедбирлери эда этильмесини теминлев.
2.2. 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасыны амельге кечирюв боюнджа тедбирлер эда этильмеси ичюн 2010 сенесине Къырым Мухтар Джумхуриетининъ бюджетине тайинленген тертипте денъишмелер кирсетильгенде ве 2011—2015 сенелерине Къырым Мухтар Джумхуриетининъ бюджет лейихалары тешкиль этильмеси заманда васталар козьде тутулсын.
3. Къырым Мухтар Джумхуриетинде ерли мустакъиль органларына тевсие этильсин:
3.1. 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасынынъ тедбирлери эда этильмесине ерли бюджетлернинъ лейихалары тешкиль этильмеси заманда эр йыл васталар козьде тутулсын.
3.2. 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасына мувафыкъ тедбирлер ишлеп чыкъарылсын ве тасдикълансын.
3.3. Эр йыл декабрь 20 кунюне къадар Къырым Мухтар Джумхуриетининъ назирлер Шурасына 2010—2015 сенелерине Къырым Мухтар Джумхуриетининъ топракъларындан файдаланув ве къорув Джумхурий программасы амельге кечирильмеси акъкъында малюмат теклиф этильсин.
4. Мезкюр Къарар эда этильмеси боюнджа незарет аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |