Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2002 сенеси июль 17-де къабул этильген 191-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 7, 600 мад.; 2007 с., № 5, 434 мад.) тасдикълангъан, Къырым Мухтар Джумхуриети Юкъары Радасынынъ рей берюв электрон тертибаты узеринден незарет боюнджа комиссиясы акъкъында Низамнамесине ашагъыдаки денъишмелер кирсетильсин:
1-нджи пункт ашагъыдаки мундериджели 1.5 пунктастынен текмилленсин:
«1.5. Комиссия озь бланк эльде эте (нумюне иляве этиле)»;
3-нджи пунктында:
3.2 пунктасты ашагъыдаки мундериджели сатырбашынен текмилленсин:
«онынъ ичюн» ве «къаршы» сеслернинъ микъдары бир олгъанда комиссиясы реисининъ сеси бу вазиетте аль этиджи»;
3.4 пункастында:
биринджи сатырбашы ашагъыдаки тарирде арз этильсин:
«3.4. Къырым Мухтар Джумхуриетининъ Юкъары Радасы органларында Къырым Мухтар Джумхуриети Юкъары Радасынынъ депутатлар фракциялары азаларнынъ нисбетли темсили укъукъына риает этильмеси иле комиссиясынынъ теркибине Къырым Мухтар Джумхуриетининъ Юкъары Радасы тарафындан денъишмелер кирсетильмеси мумкюн, комиссия азаларнынъ бир я да базылары кирсетильмеси я да чыкъарылмасы иле»;
ашагъыдаки мундериджели экинджи — дертюнджи сатырбашларынен текмилленсин:
«Депутатлар фракциясы тарафындан комиссиянынъ теркибине бир я да базы азалар кирсетильмеси акъкъында теклиф такъдим этиле.
Комиссиянынъ теркибинден бир я да базы азалар чыкъарылмасы акъкъында теклиф ашагъыдаки эсаслар боюнджа кирсетильмеси мумкюн:
Къырым Мухтар Джумхуриети Юкъары Радасы депутатынынъ векялетлери муддеттен эвель токътатылмасы себеби иле»;
экинджи — онунджы сатырбашлары бешинджи — он учюнджи сатырбашлары оларакъ сайылсын;
докъузынджы сатырбашында «Чыкъарув акъкъында теклифлер» сезлери «Лягъу этюв акъкъында теклифлер» сезлерине денъиштирильсин;
5-нджи пункт ашагъыдаки тарирде арз этильсин:
«5. Къырым Мухтар Джумхуриети Юкъары Радасынынъ пленар отурышлары кечирильмеси вакътында рей бермек ичюн Къырым Мухтар Джумхуриетининъ Юкъары Радасы депутатларнынъ шахсий электрон варакъасы
5.1. Къырым Мухтар Джумхуриети Юкъары Радасынынъ пленар отурышлары кечирильмеси вакътында рей бермек ичюн Къырым Мухтар Джумхуриетининъ Юкъары Радасы депутатларнынъ шахсий электрон варакъаларнынъ такъдим этюв, джедвельге алув ве сакълап къалынмасы Тертиби (сонъра — шахсий электрон варакъа) Къырым Мухтар Джумхуриетининъ Юкъары Радасы Президиумынынъ укюминен тасдикълана.
5.2. Къырым Мухтар Джумхуриети Юкъары Радасынынъ депутаты онъа такъдим этильген шахсий электрон варакъасы иле файдаланмакъ ве сакъламакъ месулиетли.
5.3. Къырым Мухтар Джумхуриети Юкъары Радасынынъ пленар отурышы башланувдан эвель Къырым Мухтар Джумхуриети Юкъары Радасы депутатынынъ биринджи комплектинден шахсий электрон варакъасы олмагъаны себеби иле Къырым Мухтар Джумхуриети Юкъары Радасы депутатынынъ экинджи комплектинден варакъа эльде этильмеси лязим, онынъ иле комиссия реисининъ адына язы шекилинде ариза такъдим этильмеси шартында. Къырым Мухтар Джумхуриети Юкъары Радасынынъ депутатына шахсен экинджи комплекттен варакъа комиссия реисининъ разылыгъы иле (олмагъаны себеби иле — Къырым Мухтар Джумхуриети Юкъары Радасынынъ пленар отурышы реисининъ) тек Къырым Мухтар Джумхуриети Юкъары Радасынынъ саба ве акъшам пленар отурышлары вакътына такъдим этиле.
5.4. Къырым Мухтар Джумхуриетининъ Юкъары Радасы депутатынынъ шахсий электрон варакъасы джоюлгъаны себеби иле Къырым Мухтар Джумхуриети Юкъары Радасынынъ пленар отурышы башланувдан эвель шахсен я да озь депутатлар фракциясынынъ реиси тарафындан комиссиягъа мезкюр вакъиа акъкъында язы шекилинде хабер эте».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |