Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2, 9 пунктларына, 26-нджы маддесиндеки экинджи къысымынынъ 31 пунктына, ер асты байлыкълары акъкъында Украина Къануннамесининъ 9-нджы маддесиндеки 2-нджи пунктына, 16, 19 мадделерине, Украина Назирлер Кабинетининъ 2010 сенеси июнь 23-те къабул этильген 596 санлы Къарарынен тасдикълангъан, 2010 сенесинде ер асты байлыкъларындан файдаланмакъ ичюн махсус изинлернинъ такъдим этильмеси Тертибининъ 8-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланмакъ ичюн махсус изинлернинъ аукционсыз такъдим этильмеси акъкъында риджанамелери уйгъунлаштырылсын:
1) «Джанкой элеваторы» ачыкъ акционер джемиетине (Джанкой ш.) — ишханени ходжалыкъ-турмуш сувнен теминлемек макъсады иле Къырым Мухтар Джумхуриетининъ Джанкой ш. Северо-Сивашское ер догъумынынъ «Джанкойский-1» дамартысында (понт-мэотик ер асты голю, № 6036 бужары) ер асты татлы сувларны чыкъармакъ ичюн;
2) Украина Миллий биоресурслар ве табиаттан файдаланув (Киев ш.) — Къырым Мухтар Джумхуриетининъ Симферополь ш. Аграрное шчкъ Альминское ер асты татлы сувлары догъумынынъ «Аграрненский» дамартысында (ортамиоцен ер асты голю, №№ 5787, 5788, 5789, 5790, 5791 бужарлары) амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн.
2. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Ер асты байлыкъларындан файдаланмакъ ичюн махсус изинлернинъ такъдим этильмеси акъкъында риджанамелери уйгъунлаштырылмасы акъкъында» 575-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 9, 866 мад.) ашагъыдаки денъишме кирсетильсин:
1-нджи пунктнынъ 6-нджы пунктасты озь кучьни джойды деп сайылсын.
3. Мезкюр Къарар къабул этильген кунюнден арекетке кире.
Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |