КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1997 СЕНЕСИ ИЮНЬ 19-да КЪАБУЛ ЭТИЛЬГЕН «АВДЖЫЛЫКЪКЪА АЙЫРЫЛГЪАН ТОПРАКЪЛАРНЫНЪ ВАКЪТЫНДЖА ЧОКЪ МУДДЕТ ИЛЕ ФАЙДАЛАНУВГЪА ТАКЪДИМ ЭТИЛЬМЕСИ АКЪКЪЫНДА» 1229-1 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 137-нджи маддесиндеки биринджи къысымынынъ 8-нджи пунк­тына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 1 ве 2 пунктларына, 26-нджы маддесиндеки экинджи къысымынынъ 1 ве 31 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 8 пунктына, «Айванат алеми акъкъында» Украина Къанунынынъ 15-нджы маддесине, «Авджылыкъ ходжалыгъы ве авджылыкъ акъкъында» Украина Къанунынынъ 9-нджы маддесине, Къырым Мухтар Джумхуриети Юкъары Радасынынъ 2006 сенеси ноябрь 22-де къабул этильген 259-5/06 санлы Къарарынен тасдикълангъан, авджылыкъкъа айырылгъан топракъларны вакътынджа чокъ муддет иле такъдим этюв ве файдаланув укъукъы лягъу этильмеси меселелерини Къырым Мухтар Джумхуриетининъ Юкъары Радасында чезюв Тертибининъ 2-нджи пунктындаки 2.7 пунктастына мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Белогорск районынынъ Цветочное кой шурасы территориясында 7,3 бинъ га умумий мейданлыгъы иле ашагъыда анъылгъан Къырым джумхурий авджылар ве балыкъчылар джемиети Белогорск район тешкилятынынъ авджылыкъкъа айырылгъан топракълардан файдаланув укъукъы лягъу этильсин:
шаркъ тарафтан — Симферополь — Белогорск автоелундан Белогорск районы Цветочное кой шурасынынъ шаркъ мемурий сынъыры боюнджа Цветочное — Мельничное автоелуна къадар;

шималь тарафтан — Цветочное — Мельничное автоелу боюнджа 1,2 км дженюп тарафкъа гъарп тарафтан чель елуна къадар, сонъра чель елу боюнджа 0,4 км гъарп тарафкъа, 2,0 км дженюп-гъарп тараф, 0,8 км гъарп тараф, 0,6 км шималь тараф (207,0 юксекликке), 1,3 км шималь-гъарп тараф, 1,2 км гъарп тараф Чонграф йылгъасынынъ тюбюнедже;

гъарп тарафтан — Белогорск районынынъ Цветочное кой шурасынынъ гъарп мемурий сынъыры боюнджа Симферополь — Белогорск автоелуна къадар;

дженюп тарафтан — Симферополь — Белогорск автоелу боюнджа Белогорск районынынъ Цветочное кой шурасы сынъырларында.

2. Къырым Мухтар Джумхуриети Юкъары Радасынынъ 1997 сенеси июнь 19-да къабул этильген «Авджылыкъкъа айырылгъан топракъларнынъ вакътынджа чокъ муддет иле фай­даланувгъа такъдим этильмеси акъкъында» 1229-1 санлы Къарарына (Къырым Джумхурие­тининъ къанунджылыкъ Топламы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар Топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад., № 9, 864 мад., № 10, 998 мад.; 2009 с., № 3, 153 мад., № 4, 268 мад.) ашагъыдаки денъишмелер кирсетильсин:

мезкюр Къарарнынъ Илявесинде:

4-нджи пунктында:

4.2 пунктастынынъ биринджи сатырбашында «85,0» сайысы «77,7» сайысына денъиштирильсин;

4.18 пунктастынынъ биринджи сатырбашында «46,6» сайысы «65,1» сайысына денъиштирильсин.

3. Мезкюр Къарар къабул этильген кунюнден арекетке кире, 1-нджи пункты ве 2-нджи пунктнынъ дертюнджи сатырбашы 2011 сенеси январь 17-де арекетке кире.