Къырым Мухтар Джумхуриети Анаясасынынъ 17-нджи маддесиндеки биринджи, экинджи къысымларына, 18-нджи маддесиндеки биринджи къысымынынъ 9-нджы пунктына, 26-нджы маддесиндеки экинджи къысымынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 38-нджи пунктына, «Этрафтаки табиат муитини къорув акъкъында» Украина Къанунынынъ 14-нджи маддесиндеки биринджи къысымынынъ «є» пунктына, «Украина табиат-къорукъ фонду акъкъында» Украина Къанунынынъ 23, 51, 52, 53, 54 мадделерине мувафыкъ, зенгин ве чешит-чешит осюмлик ве айванат алеми иле табиат ландшафтларны сакълап къалув, Авропада озь аэродинамик хусусисетлери боюнджа уникаль ернинъ гъайып олмамасы ичюн, ве къорукъ табиат комплекслерни ве ландшафтларны къорумакъ тертибине риает этильмеси иле дельтапланер ве парапланер спортнынъ табиат шараитлеринде илери инкишафы ичюн шартларны сакълап къалув макъсады иле
Къырым Мухтар Джумхуриетининъ Юкъары Радасы к ъ а р а р б е р е:
1. Ерли месулиети олгъан табиат-къорукъ фонду объекти мейдангъа кетирильсин — Илявеге мувафыкъ 840 га умумий мейданлыгъынен «Узун-Сырт, Клементьева дагъы» авада учув комплекси» ерли месулиети олгъан региональ ландшафт паркы.
2. Кировское районынынъ Первомайское кой шурасы топракъларында ерлешкен, 34 га умумий мейданлыгъынен «Узун-Сырт, Клементьева дагъы» авада учув комплекси» ерли месулиети олгъан региональ ландшафт паркнынъ къорув зонасы тайинленсин.
3. «Узун-Сырт, Клементьева дагъы» авада учув комплекси» ерли месулиети олгъан региональ ландшафт паркнынъ къорув зонасы акъкъында Низамнамеси тасдикълансын (иляве этиле).
4. «Узун-Сырт, Клементьева дагъы» авада учув комплекси» ерли месулиети олгъан региональ ландшафт паркнынъ мемуриети иле мейдангъа кетирильмеси тарихындан 1 йыл девамында укъукъ тайинлейиджи весикъалар ресмийлештирильсин (ерлештирюв лейихасы, региональ ландшафт паркы территориясыны тешкиль этюв, табиат комплекслери ве объектлерни къорув, девам этюв ве рекреацион файдаланув лейихасы, региональ ландшафт паркы акъкъында низамнаме).
5. Къырым Мухтар Джумхуриети Юкъары Радасынынъ 2010 сенеси февраль 17-де къабул этильген «Тихая бухта» ерли месулиети олгъан региональ ландшафт паркнынъ къорув зонасыны тайинлев акъкъында» 1580-5/10 санлы Къарары (Къырым Мухтар Джумхуриетининъ норматив-укъукъий актлар Топламы, 2010 с., № 2, 62 мад.) озь кучьни джойды деп сайылсын.
6. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.
7. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |