«Девлет ве коммуналь мулькиетининъ иджареси акъкъында» Украина Къанунынынъ 19-нджы маддесиндеки экинджи къысымына, 21-нджи маддесине, Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси ноябрь 19-да къабул этильген 274-2/98 санлы Къарарынен (Къырым Мухтар Джумхуриетининъ норматив-укъукъий актлар Топламы, 1998 с., № 11, 897 мад.; 2007 с., № 5, 448 мад., № 7, 687 мад., № 10, 1005 мад., № 11, 1144 мад.; 2008 с., № 2, 70 мад., № 5, 377 мад., 386 мад.; 2009 с., № 6, 474 мад., № 9, 683 мад.; 2010 с., № 6, 478 мад.) тасдикълангъан, Къырым Мухтар Джумхуриетине аит мулькиетининъ иджареси (иджареде иджареси) ичюн телевлернинъ эсабаты, такъсим этильмеси ве файдаланув тертиби Усулиетине ашагъыдаки денъишмелер кирсетильсин:
1) II болюги ашагъыдаки мундериджели 12-нджи пунктынен текмилленсин:
«12. Иджаре мукъавелесинде тайинленген макъсаты боюнджа иджаредеки объектнен файдаланмакъ ичюн чаре олмагъаны вазиетинде ве гъайрыдан тикленмеси зарур олгъаны себеби иле кираджы идаре органынынъ ве такъсимлейиджининъ разылыгъынен ишлерни эда этюв джедвелине мувафыкъ гъайрыдан тикленмеси вакъытында бутюн колеминде иджаре телевинден бир йылгъа къадар бошатыла.
Амельдеки къанунджылыгъынен тайинленген, иджареде мулькининъ айырмагъан эйилештирювлерге изин алув кетишатынен козьде тутулгъан джеми весикъалар кираджысынен такъдим этильмесинден сонъ, Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен уйгъунлаштырувы боюнджа Къырым Мухтар Джумхуриетининъ мулькиети Фондунен кираджынынъ иджаре телевлерден бошатылмасы акъкъында къарар къабул этиле»;
2) VI болюгининъ 3-нджи пункты ашагъыдаки мундериджели сатырбашларынен текмилленсин:
«Иджаре телевнинъ имтиязлы фияты объект иджаресининъ къыймет кескен фиятындан 1% ве 1% зияде олувы зарур.
Ашагъыдаки имтиязлар такъдим этильмеси мумкюн:
къайд этильген девирге иджаре телевлерден кираджынынъ бошатылмасы;
иджаре телевнинъ микъдары тюшмеси;
имтиязлы фият я да тайинленген имтияз ольчюсини тайинлев»;
3) ашагъыдаки мундериджели VII болюгинен текмилленсин:
«VII болюк
Усулиетке мувафыкъ иджаре телевнинъ микъдарыны денъиштирювде
Къырым Мухтар Джумхуриетине аит мулькиетининъ иджареси
мукъавелелерине денъишмелер кирсетюв тертиби
1. Мезкюр Усулиетке аит денъишмелер кирсетильмеси заманда Къырым Мухтар Джумхуриетине аит мулькиетининъ иджареси мукъавелелерини иджаре телевнинъ колемини денъиштирюв къысымында меджбурий бакъып чыкъмакъ зарур.
2. Къырым Мухтар Джумхуриетине аит мулькиетининъ иджареси мукъавелелери боюнджа иджаре фиятларында денъишмелерни тертипке къойгъан Къырым Мухтар Джумхуриети Юкъары Радасынынъ къарары арекетке кирген сонъ, бир ай муддети ичинде, иджареге бериджисинен амельдеки иджаре мукъавелелерни бакъып чыкъув джедвели теркип этиле ве иджаре телевлери къысымында иджаре мукъавелелернинъ муддетлери ве бакъып чыкъув тертиби акъкъында кираджыларгъа язы шекилинде хабер этиле.
3. Къырым Мухтар Джумхуриетине аит мулькиетининъ иджареси мукъавелелерине денъишмелер кирсетильмеси иджареге бериджи ве кираджы арасында иджаре телевлернинъ гъайрыдан эсабаты иле къошма мукъавеле тизильмеси усулынен иджаре телевнинъ микъдары денъиштирильмеси къысымында эда этиле.
4. Бу къошма мукъавелелерде гъайрыдан эсап этюв бир эсас айы оларакъ Къырым Мухтар Джумхуриетининъ Юкъары Радасынен янъы иджаре фиятлар тасдикълангъан ай сайыла.
5. Эсабат этюв эсас айындан кельген ай иджаре телевни гъайрыдан эсап этюв биринджи айы оларакъ сайыла (инфляция индекси козь огюне алына).
6. Иджаре телевнинъ гъайрыдан эсап этильмеси иле къошма мукъавеле тизильмесинден сонъ (Къырым Мухтар Джумхуриети мулькиетининъ Фонду иджареге бериджи оларакъ чыкъкъан вазиетлерден гъайры), иджареге бериджинен имзалангъан иджаре телевнинъ гъайрыдан япылгъан эсабатлары Къырым Мухтар Джумхуриетининъ мулькиети Фондуна уйгъунлаштырувгъа еллана. Иджаре мукъавелесининъ къошма мукъавелеси имза къоюлган вакъыттан башлап арекетке кире»;
4) «Къырым Мухтар Джумхуриетине аит айры шахсий тайинленген (ташылмагъан я да дигер) мулькиет иджаресининъ шекиль мукъавелеси» мезкюр Усулиетининъ 4-нджи Илявесинде:
3-нджи пунктынынъ 3.5 пунктасты ашагъыдаки тарирде арз этильсин:
«3.5. Амельдеки иджаре Усулиетине денъишмелер кирсетильмеси вакътында, эм де иджаре объектининъ вазиети мушкюль денъишкен, амельдеки къанунджылыгъынен козьде тутулгъан дигер вазиетлерде Тарафларнынъ бирисининъ талапы боюнджа иджаре телевлернинъ колеми гъайрыдан музакере этиле. Къайд этильген арекетлер къошма мукъавеленен ресмийлештириле. Пейда олгъан айыры вазиетлер боюнджа мулькиетнен файдаланмагъан вакъыты ичюн кираджы иджаре телевинден бошатыла, ве шу акъта шу вазиетлер пейда олгъаны вакъытындан учь кунь ичинде Такъсилейиджининъ иштираки иле Кираджынен яратылгъан комиссиясы акты иле къайд этиле»;
10-нджы пунктынынъ 10.3 пунктасты ашагъыдаки тарирде арз этильсин:
«10.3. Мукъавелеге денъишмелер, къошмалар кирсетильмеси, мезкюр Мукъавеленинъ бозулувы Тарафларнынъ разылыгъынен мусааде этиле. Такъдим этильген денъишмелер ве къошмалар дигер Тарафтан музакере этювге такъдим этильген кунюнден 20 кунь девамында музакере этиле ве къошма мукъавеленен ресмийлештириле. Разылыкъкъа кельмеселер, давалар макеме тертипте аль этиле.
Мезкюр Мукъавеленинъ бозулувы акъкъында иджареге бериджи тарафындан амельдеки къанунджылыкънен тайинленген муддетлер ичинде Кираджыгъа ихтар этиле».
2. Къырым Мухтар Джумхуриети Юкъары Радасынынъ 1998 сенеси ноябрь 19-да къабул этильген 274-2/98 санлы Къарарынен тасдикълангъан, Къырым Мухтар Джумхуриетине аит мулькиетининъ иджареси (иджареде иджареси) ичюн телевлернинъ эсабаты, такъсимлештирюв ве файдаланув тертиби Усулиетининъ VII болюгине мувафыкъ Къырым Мухтар Джумхуриетине аит мулькиетининъ иджареге бериджилер тарафындан Къырым Мухтар Джумхуриетине аит мулькиетининъ иджареси мукъавелелерине денъишмелер кирсетильмеси боюнджа иш алып барылсын.
3. Мезкюр тертипке кетириджи актнынъ нетиджелерини йыл девамында козь этмек Къырым Мухтар Джумхуриетининъ мулькиет Фондуна авале этильсин. Козь этюв боюнджа нетиджелери 2011 сенесинде «Крымские известия» газетасында дерч этильмеси ичюн ве Къырым Мухтар Джумхуриети Юкъары Радасынынъ ресмий сайтында ерлештирильмеси ичюн Къырым Мухтар Джумхуриетининъ Юкъары Радасына еллансын.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына ве Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |