Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2009 сенеси декабрь 9-да къабул этильген 1493-5/09 санлы Къарарынен (Къырым Мухтар Джумхуриетининъ норматив-укъукъий актлар Топламы, 2009 с., № 12, 954 мад.) тасдикълангъан, Къырым Мухтар Джумхуриетининъ икътисадий ве ичтимаий инкишафы саасында ятырым лейихаларны амельге кечирюв меселелери боюнджа халкъара малиевий тешкилятларынен Къырым Мухтар Джумхуриети арасында мукъавелелер тизильмеси Тертибине ашагъыдаки денъишме кирсетильсин:
II болюгининъ 4-нджи пунктында учюнджи сатырбашы ашагъыдаки тарирде арз этильсин:
«Координацион шурасынынъ башлыгъы оларакъ Къырым Мухтар Джумхуриетининъ назирлер Шурасынынъ Реиси я да Къырым Мухтар Джумхуриетинде малие-икътисадий фаалиети саасында девлет сиясетини теминлев ве амельге кечирюв меселелерини чезген, Къырым Мухтар Джумхуриетининъ назирлер Шурасынынъ Реис муавини сайыла. Координацион шурасынынъ теркибинде Къырым Мухтар Джумхуриети икътисадият Назирлигининъ, Къырым Мухтар Джумхуриети малие Назирлигининъ, Къырым Мухтар Джумхуриети иджра акимиетининъ дигер органларнынъ, Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынынъ, Къырым Мухтар Джумхуриети Юкъары Радасынынъ дигер фаалиет саалары боюнджа даимий комиссияларнынъ, Къырым Мухтар Джумхуриетинде ерли мустакъиль идарелиги органларнынъ темсильджилери».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |