Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1, 11 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 12-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген 571-5/07 санлы Къарарынен (Къырым Мухтар Джумхуриетининъ норматив-укъукъий актлар Топламы, 2007 с., № 9, 862 мад.) тасдикълангъан, 2007—2011 сенелерине Къырым Мухтар Джумхуриетинде бедений тербиеси ве спорт инкишафы Программасына ашагъыдаки денъишме кирсетильсин:
«Программанынъ амельге кечирильмесине догърулгъан тедбирлер» VI болюгининъ 6-нджы пунктындаки 6.2 пунктастынынъ 6.2.6 пунктасты ашагъыдаки тарирде арз этильсин:
«6.2.6. Эр йыл спорт шекиллери боюнджа спорт-кутьлевий тедбирлер алып барылсын, Къырым Мухтар Джумхуриетининъ етекчи къырым спортсменлернинъ ве топлу командаларнынъ азырланувы ве Украина комплекс спорт тедбирлерде, Украина бутюнукраин мунакъашаларда, чемпионатларда, эм де спортчылар ве яшына коре чешит группалар боюнджа командалары арасында халкъара ресмий мунакъашаларда иштираки.
Эда этиджилери: КъМДж тасиль ве илим Назирлиги;
КъМДж бедений тербие ве спорт боюнджа КъМДж Джумхурий комитети;
Украина тасиль ве илим Назирлигининъ Къырым джумхурий бедений тербие ве спорт идарелиги;
КъМДж шеэр шураларнынъ иджра комитетлери, район девлет мемуриетлери;
«Инваспорт» Къырым джумхурий сакъатлар спорты меркези;
«Таврия» Спорт клубы
месулиети сынъырлангъан джемиет
Эда этюв муддети: 2007—2011 сенелери».
2. Мезкюр Къарар къабул этильген кунюнден арекетке кире.
Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |