Къырым Мухтар Джумхуриети Анаясасынынъ 17-нджи маддесиндеки биринджи ве экинджи къысымына, 18-нджи маддесиндеки биринджи къысымынынъ 9 пунктына, 26-нджы маддесиндеки экинджи къысымынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 38 пунктына, «Этрафтаки табиат муитини къорув акъкъында» Украина Къанунынынъ 20-нджи маддесиндеки «в» пунктына, Украина Назирлер Кабинетининъ 2007 сенеси декабрь 5-те къабул этильген 1376 санлы Къарарынен тасдикълангъан, Девлет макъсатлы экологик этрафтаки табиат муитининъ мониторинги кечирильмеси программасына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. 2010—2013 сенелерине Къырым Мухтар Джумхуриетининъ этрафтаки табиат муитининъ региональ мониторинги Программасы тасдикълансын (иляве этиле).
2. Къырым Мухтар Джумхуриети бюджетининъ махсус фондундан зарур колемлерде эр йыл васталар айырылмасы иле 2010—2013 сенелерине Къырым Мухтар Джумхуриетининъ этрафтаки табиат муитининъ региональ мониторинги Программасынынъ тедбирлерини малиенен теминлемек Къырым Мухтар Джумхуриетининъ назирлер Шурасына авале этильсин.
3. 2010—2013 сенелерине Къырым Мухтар Джумхуриетининъ этрафтаки табиат муитининъ региональ мониторинги Программасынынъ тедбирлери амельге кечирильмесине зарур васталар колемини эр йыл масрафлар джедвелинде козьде тутмакъ Къырым Мухтар Джумхуриетининъ этрафтаки табиат муитининъ региональ мониторинги субъектлерине тевсие этильсин.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |