КъМДж ЮР Къарары

КЪЫРЫМ МУХТАР ДЖУМХУРИЕТИНЕ АИТ МУЛЬКИЕТИНИ ЭЙИЛЕШТИРМЕК ИЧЮН, КИРАДЖЫГЪА КЪЫРЫМ МУХТАР ДЖУМХУРИЕТИНЕ АИТ МУЛЬКИЕТИНИНЪ САИБИ ТАРАФЫНДАН РУХСЕТ БЕРИЛЬМЕСИ ТЕРТИБИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына мувафыкъ, «Девлет ве коммуналь мулькиетини иджареге берюв акъкъында» Украина Къанунынынъ 23-нджи маддесине эсасланаракъ,

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетине аит мулькиетини эйилештирмек ичюн, кираджыгъа Къырым Мухтар Джумхуриетине аит мулькиетининъ саиби тарафындан рухсет берильмеси Тертиби тасдикълансын (иляве этиле).

2. Къырым Мухтар Джумхуриетине аит мулькиетини эйилештирмек ичюн, кираджыгъа Къырым Мухтар Джумхуриетине аит мулькиетининъ саиби тарафындан рухсет берюв Тертиби Къырым Мухтар Джумхуриетине аит мулькиетининъ саиплеринен дестур этип алынсын.

3. Мезкюр тертипке къойгъан актнынъ амельге кечирильмеси узеринден незарет эр йыл эда этильмеси ве нетиджелери «Крымские известия» газетасында эсабат йылдан сонъ кельген йылнынъ февраль айына къадар дердж этильмеси Къырым Мухтар Джумхуриетининъ мулькиет Фондуна авале этильсин.

4. Мезкюр тертипке къойгъан акт «Крымские известия» газетасында дердж этильсин, эм де Къырым Мухтар Джумхуриети Юкъары Радасынынъ ресмий сайтында ве Интернет агъында ерлештирильсин.

5. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясына авале этильсин.

6. Мезкюр Къарар къабул этильген кунюнден арекетке кире.