КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2010 СЕНЕСИ МАЙЫС 12-де КЪАБУЛ ЭТИЛЬГЕН «2010 СЕНЕСИНЕ КЪЫРЫМ МУХТАР ДЖУМХУРИЕТИНИНЪ ИЧКИ ОДЮНЧ ОБЛИГАЦИЯЛАР ЧЫКЪАРУВ ШЕКИЛИНДЕ ЭЛЬДЕ ЭТИЛЬМЕСИ АКЪКЪЫНДА» 1728-5/10 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2010 сенеси майыс 12-де къабул этильген «2010 сенесине Къырым Мухтар Джумхуриетининъ ички одюнч облигациялар чыкъарув шекилинде эльде этильмеси акъкъында» 1728-5/10 санлы Къарарына (Къырым Мухтар Джумхуриетининъ норматив-укъукъий актлар Топламы, 2010 с., № 5, 374 мад.) ашагъыдаки денъишмелер кирсетильсин:

1-нджи пунктынынъ учюнджи — алтынджы сатырбашы ашагъыдаки тарирде арз этильсин:

«одюнч колеми (борджунынъ эсас микъдары) — 400000000,0 грн.;

облигациялар учь дередже транш усулы иле чыкъарыла, шу сырада:

А сериясы — 133000000,0 грн., файыз ставкасы — бир йыл ичинде 16 % къадар, телев муддети — 2013 сенеси декабрь 31-дже;

В сериясы —133000000,0 грн., файыз ставкасы — бир йыл ичинде 16 % къадар, телев муддети — 2014 сенеси декабрь 31-дже;

С сериясы — 134000000,0 грн., файыз ставкасы — бир йыл ичинде 16 % къадар, телев муддети — 2015 сенеси декабрь 31-дже;

облигациялар боюнджа файызларнынъ теленмеси — эр учь ай»;

единджи сатырбашы докъузынджы сатырбашы оларакъ сайылсын;

2-нджи пунктынынъ 2.1 пунктасты ашагъыдаки тарирде арз этильсин:

«2.1. Къырым Мухтар Джумхуриети иджра акимиетининъ органлары ве дигер органларнынъ темсильджилери джельп этильмеси иле Къырым Мухтар Джумхуриетининъ инкишаф бюджетине одюнч алув меселелери боюнджа Украина амельдеки къанунджылыгъына мувафыкъ весикъаларны ишлеп чыкъарув, азырлав ве тасдикъланмасы иле багълы тешкилий тедбирлер эда этильмеси теминленсин»;

ашагъыдаки мундериджели 2-1пунктынен текмилленсин:

«2-1. Облигацияларнынъ эмиссия проспекты тешкиль этмек, одюнч алувнен багълы весикъаларгъа имза къоймакъ, ички одюнч облигациялар чыкъарув, ерлештирюв, мураджаат этюв ве телев бутюн этапларда андеррайтернен(-лернен), депозитарийнен ве дигер лязим муэссиселер ве тешкилятларнен мукъавеле тизмек, облигацияларны ерлештирюв нетиджелерни тасдикъламакъ Къырым Мухтар Джумхуриетининъ малие Назирлиги векялетли оларакъ Къырым Мухтар Джумхуриетининъ малие назирине авале этильсин».

2. Мезкюр Къарар къабул этильген кунюнден арекетке кире.