КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ БАЗЫ КЪАРАРЛАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2002 сенеси июль 17-де къабул этильген 193-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 7, 602 мад.; 2007 с., № 5, 433 мад.) тасдикълангъан, Къырым Мухтар Джумхуриетининъ Юкъары Радасы сессиясынынъ кятибиети акъкъында Низамнамесине ашагъыдаки денъишмелер кирсетюв акъкъында:

1) 1-нджи пунктынынъ 1.3 пунктастында «Къырым Мухтар Джумхуриети Юкъары Радасынынъ депутатлар фракциялары акъкъында низамнамесинен» сезлери «Къырым Мухтар Джумхуриети­ Юкъары Радасынынъ депутатлар фракциялары ве коалициялары акъкъында Низамнамесинен» сезлерине денъиштирильсин;

2) 2-нджи пунктынынъ 2.5 пунктастында:

биринджи сатырбашында «реис сайлана» сезлери «реис, реис муавини сайлана» сезлерине денъиштирильсин;

экинджи сатырбашы ашагъыдаки тарирде арз этильсин:

«Акъшам пленар отурышта тенеффюстан сонъ я да пленар отурышларнынъ кунь тертибине кирсетильген джеми меселелер Къырым Мухтар Джумхуриети Юкъары Радасынынъ депутатларынен музакере этильген сонъ, депутатларнынъ кучюк мураджаатлары ве беянларынен чыкъышта булунмасыдан эвель пленар отурышларнынъ реиси сессия кятибиетининъ реисине (олмагъанда — сессия кятибиетининъ реис муавинине я да кятибине) сессия кятибиетининъ отурышында музакере этильген малюматны илян этмек ичюн сез бере»;

3) 3-нджи пунктында:

3.1 пунктастында «олмагъанда — кятибинен» сезлери «олмагъанда — реис муавининен, кятибинен» сезлерине денъиштирильсин;

3.5 пунктастында «(олмагъанда — кятип)» сезлери «(олмагъанда — реис муавини я да кятип)» сезлерине денъиштирильсин;

3.7 пункастынынъ биринджи сатырбашы ашагъыдаки тарирде арз этильсин:

«3.7. Сессия кятибиети отурышнынъ нетиджелери боюнджа протокол ресмийлештириле, сонъра сессия кятибиетининъ реиси (олмагъанда — реис муавини) ве кятибинен имза къоюлмасы лязим»;

3.8 пунктастында «пленар отурышлары ве протокол ишлерине хызмет косьтерюв болюги» сезлери «Къырым Мухтар Джумхуриети Юкъары Радасынынъ ве онынъ Президиумынынъ отурышларыны теминлев болюги» сезлерине денъиштирильсин;

4) 4-нджи пунктында:

4.1 пунктастында:

экинджи сатырбашында «Юкъары Радасынынъ пленар отурышлары кечирильген заманда сессиянынъ адресине» сезлери лягъу этильсин;

докъузынджы сатырбашында «ве гъайрыдан джедвельге алына» сезлери лягъу этильсин;

4.2 пунктасты ашагъыдаки тарирде арз этильсин:

«4.2. Акъшам пленар отурышта тенеффюстан сонъ я да пленар отурышларнынъ кунь тертибине кирсетильген джеми меселелери Къырым Мухтар Джумхуриети Юкъары Радасынынъ депутатларынен музакере этильген сонъ, депутатларнынъ кучюк мураджаатлары ве беянларынен чыкъышта булунмасыдан эвель пленар отурышларнынъ реиси онынъ тешеббюси иле сессия кятибиетининъ реисине (олмагъанда — сессия кятибиетининъ реис муавинине я да кятибине) малюмат ичюн сез бере»;

ашагъыдаки мундериджели 4.3 пунктастынен текмилленсин:

«4.3. Сессия кятибиетининъ озь бланкы ола биле (нумюне иляве этиле). Сессия кятибиетининъ бланкында сессия кятибиети реисининъ (олмагъанда — сессия кятибиети реиси муавининъ) имзасындан сонъ, депутатлар соратмаларына рефакъат мектюплер, сессия кятибиетининъ адресине кельген гражданлар тарафындан мураджаатларына джеваплар ве сессия кятибиетининъ дигер весикъалары ресмийлештириле».

2. Къырым Мухтар Джумхуриети Юкъары Радасынынъ 1998 сенеси июнь 30-да къабул этильген 109-II санлы Къарарынен (Къырым Мухтар Джумхуриетининъ норматив-укъукъий актлар Топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад; 2006 с., № 7, 496 мад., № 10, 887 мад.; 2007 с., № 4, 316 мад., № 10, 995 мад.; 2008 с., № 2, 72 мад.; 2009 с., № 9, 686 мад.; 2010 с., № 3, 158 мад., 159 мад., № 5) тасдикълангъан, Къырым Мухтар Джумхуриети Юкъары Радасынынъ Регламентине ашагъыдаки денъишмелер кирсетильсин:

21-нджи маддесиндеки дертюнджи къысмынынъ биринджи сатырбашында «онынъ реиси сайлана» сезлери «онынъ реиси, реис муавини сайлана» сезлерине денъиштирильсин;

22-нджи маддесининъ учюнджи сатырбашында «сессия кятибиети» сезлери «(олмагъанда — сессия кятибиетининъ реис муавини я да кятиби)» сезлернен текмилленсин.

3. Мезкюр Къарар къабул этильген кунюнден арекетке кире.