Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 ве 7 пунктларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2010 сенеси майыс 12-де къабул этильген «Къырым Мухтар Джумхуриетининъ 2010 сенесине бюджети акъкъында» 1727-5/10 санлы Къарарына (Къырым Мухтар Джумхуриетининъ норматив-укъукъий актлар Топламы, 2010 с., № 5, 373 мад.) ашагъыдаки денъишмелер кирсетильсин:
1.1. 10-нджы пунктында:
биринджи сатырбашы ашагъыдаки тарирде арз этильсин:
«10. Къырым Мухтар Джумхуриетининъ 2010 сенесине бюджетинден Украина Девлет бюджетине регионынынъ ичтимаий-икътисадий ве медений инкишафы программалары эда этильмесине 5355,0 бинъ грн. микъдарда, олардан Къырым Мухтар Джумхуриети бюджетининъ умумий фонду боюнджа — 5355,0 бинъ грн. микъдарда субвенция тасдикълансын, шу сырада:»
ашагъыдаки сатырбашынен текмилленсин:
«ер арсалары сатылувы ве укъукълары боюнджа (иджаре) ер арсалары сатылувны азырлав, тешкиль этюв ве кечирюв боюнджа тедбирлер алып барылмасына — 2000,0 бинъ грн., олардан Къырым Мухтар Джумхуриети бюджетининъ умумий фонду боюнджа — 2000,0 бинъ грн.»;
31-нджи пункт ашагъыдаки мундериджели 31.10 пунктастынен текмилленсин:
«31.10. Къырым Мухтар Джумхуриетининъ 2010 сенесине бюджети эда этильмеси нетиджелери боюнджа гражданларны электронакълиеде ташымакъ тарифлерини (дотация) уйгъунлаштырув тедбирлерге масрафларны 2,0 млн. грн. къадар котерюв акъкъында меселеси музакере этильсин».
1.2. Мезкюр Къарарнен тасдикълангъан, 2-нджи Иляведе 7, 11 пунктлары, «ДЖЕМИ МАСРАФЛАР» сатыры, 15-нджи пункт янъы тарирде арз этильсин (иляве этиле).
1.3. Мезкюр Къарарнен тасдикълангъан, 3-нджи Иляведе 080, 150, 193 болюклери янъы тарирде арз этильсин (иляве этиле)*.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |