Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1, 32 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 1, 33 пунктларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад.; 2008 с., № 5, 380 мад., № 6, 458 мад., № 10, 802 мад., 808 мад.; 2009 с., № 6, 473 мад.) тасдикълангъан, Къырым Мухтар Джумхуриетининъ ярарлыкълар аляметлери акъкъында Низамнамесине ашагъыдаки денъишмелер кирсетильсин:
I болюгининъ 5 пунктындаки дертюнджи сатырбашы ашагъыдаки тарирде арз этильсин:
«Мукяфат весикъалары, адет боюнджа, аит юкъары органлары иле, шеэр башларынен я да район шураларынынъ реислеринен уйгъунлаштырыла (беш кунь муддет ичинде), сонъра Къырым Мухтар Джумхуриетининъ фаалиет саалары боюнджа назирликлерине я да джумхурий комитетлерине уйгъунлаштырувгъа еллана»;
III болюгинде:
1-нджи башында:
1-нджи пунктында:
алтынджы сатырбашында «Къырым Мухтар Джумхуриетининъ «Янгъында джесюрлиги ичюн» ярарлыкъ аляметине аит, юкъары къайд этильген укъукъларгъа риает этильмеси иле ташылгъан, шеритни эр кунь ташымакъ ичюн эклеме козьде тутула» сезлери лягъу этильсин;
единджи сатырбашы ашагъыдаки тарирде арз этильсин:
«Къырым Мухтар Джумхуриетининъ «Янгъында джесюрлиги ичюн» ярарлыкъ аляметини ташымакъ укъугъы сонъ дередже мукяфатлангъан шахыскъа менсюп»;
4-нджи пункт ашагъыдаки тарирде арз этильсин:
«4. Мукяфатлангъан шахсларгъа Къырым Мухтар Джумхуриетининъ «Янгъында джесюрлиги ичюн» ярарлыкъ алямети, тайинленген нумюнедеки шеадетнаме такъдим этиле, Къарарнынъ 3-1 пунктында тайинленген колемде бир керелик мукяфат телене.
Къырым Мухтар Джумхуриетининъ «Янгъында джесюрлиги ичюн» ярарлыкъ алямети, онъа шеадетнаме, бир керелик мукяфат такъдим этильмеси Къырым Мухтар Джумхуриети Юкъары Радасынынъ Реисинен, онынъ авалесинен Къырым Мухтар Джумхуриети Юкъары Радасы Реисининъ биринджи муавининен, муавининен, Къырым Мухтар Джумхуриети Юкъары Радасы Президиумынынъ азаларынен эда этиле»;
2-нджи башта:
1-нджи пунктынынъ докъузынджы, онунджы сатырбашлары ашагъыдаки тарирде арз этильсин:
«Къырым Мухтар Джумхуриетининъ «Боюн-борджуна садыкълыгъы ичюн» ярарлыкъ алямети» кокрегининъ сол тарафында ташылмасы лязим. Дигер ярарлыкълар аляметлери олгъанда девлет мукяфатларыдан, Къырым Мухтар Джумхуриетининъ «Янгъында джесюрлиги ичюн» ярарлыкъ аляметиден сонъ, муэссисевий ярарлыкъ аляметлериден огде ерлештириле.
Къырым Мухтар Джумхуриетининъ «Боюн-борджуна садыкълыгъы ичюн» ярарлыкъ аляметини ташымакъ укъугъы сонъ дередже мукяфатлангъангъа менсюп»;
4-нджи пункт ашагъыдаки тарирде арз этильсин:
«4. Мукяфатлангъанларгъа Къырым Мухтар Джумхуриетининъ «Боюн-борджуна садыкълыгъы ичюн» ярарлыкъ алямети, тайинленген нумюнедеки шеадетнаме такъдим этиле, Къарарнынъ 3-1 пунктында тайинленген колемде бир керелик мукяфат телене.
Къырым Мухтар Джумхуриетининъ «Боюн-борджуна садыкълыгъы ичюн» ярарлыкъ алямети, онъа шеадетнаме, бир керелик мукяфат такъдим этильмеси Къырым Мухтар Джумхуриети Юкъары Радасынынъ Реисинен, онынъ авалесинен Къырым Мухтар Джумхуриети Юкъары Радасы Реисининъ биринджи муавининен, муавининен, Къырым Мухтар Джумхуриети Юкъары Радасы Президиумынынъ азаларынен эда этиле»;
IV болюгинде:
1-нджи пунктында:
отуз дертюнджи сатырбашы ашагъыдаки тарирде арз этильсин:
«Къырым Мухтар Джумхуриетининъ шерефли унванлары, адет боюнджа, аит саада 10 йыл девамына къадар, муэссисе, тешкилят я да ишханеде — 5 йылгъа къадар девамлы хызмет эткен шахсларгъа такъдим этиле, алий севиеси я да дереджеси олувы шартында (ихтисасы)»;
къыркъынджы сатырбашында «айны шуны» сезлери лягъу этильсин.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |