Украина Анаясасынынъ 3, 21, 22, 85 мадделерине, 138 маддесининъ биринджи къысымынынъ 7 пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 18 пунктына, 26-нджы маддесиндеки экинджи къысымынынъ 1, 13 пунктларына мувафыкъ, эвель сюргюн олунгъан ве репрессиягъа огърагъан шахсларнынъ укъукълары ве азатлыкълары, сюргюн олунгъан ве репрессиягъа огърагъан вакъытларда яшагъан ерлерине маниасыз гонъюль ризасы иле къайтмасыны теминлев макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. «Иммиграция акъкъында» Украина Къанунынынъ «Нетидже низамнамелери» V болюгининъ 4-нджи пунктына денъишмелер кирсетильмеси акъкъында» Украина къанунынынъ лейихасы такъдир этильсин (иляве этиле).
2. Украина Юкъары Радасына мезкюр къанун лейихасыны тайинленген тертипте кирсетмек ве Украина Юкъары Радасынен музакере этильмесиде къол тутмакъ риджасынен Украина халкъ векиллерине мураджаат этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |