Къырым Мухтар Джумхуриети Анаясасынынъ 9-нджы маддесининъ учюнджи къысымына, 26-нджы маддесиндеки экинджи къысымынынъ 1 пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Кой ерлеринде тедавийлев-огюни алув муэссиселеринде хызмет эткен тиббиет хадимлерге ичтимаий ярдымнынъ къошма шекиллери тайинленмеси акъкъында» 560-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 9, 851 мад.) ашагъыдаки денъишмелер кирсетильсин:
1.1. Ашагъыдаки мундериджели 2-1 пункт къошулсын:
«2-1. Кой ерлеринде тедавийлев-огюни алув муэссиселеринде (кой экимлер амбулаториялары, къоранта тиббиети кой экимлер амбулаториялары, къоранта тиббиети болюклери иле кой экимлер амбулаториялары, яшагъан ерлери боюнджа хастаханелер, фельдшер-эбанайлыкъ пунктларында) хызмет эткен тиббиет хадимлерге бир ай ичюн 210,0 грн. экимлерге ве бир ай ичюн 260,0 грн. эсабынен толу ве толу олмагъан алий тиббиет тасиль алгъан мутехассысларгъа».
1.2. 3-нджи пункт ашагъыдаки тарирде арз этильсин:
«3. Мезкюр Къарарнынъ 1, 2, 2-1 пунктларында козьде тутулгъан ичтимаий ярдым берюв боюнджа масрафлар Къырым Мухтар Джумхуриети бюджетининъ пара васталары эсабына эда этиле».
1.3. 4-нджи пунктында «1, 2 пунктларда» сезлери «1, 2, 2-1 пунктларда» сезлерине денъиштирильсин.
2. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Кой ерлерде тедавийлев-огюни алув муэссиселеринде хызмет эткен тиббиет хадимлерге ичтимаий ярдымнынъ къошма шекиллери тайинленмеси акъкъында» 560-5/07 санлы Къарарындаки (Къырым Мухтар Джумхуриетининъ норматив-укъукъий актлар Топламы, 2007, № 9, 851 мад.) 1, 2 пунктларнынъ арекети токътатылсын.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |