Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына, 32 маддесиндеки экинджи къысымына, «Къырым Мухтар Джумхуриетининъ Юкъары Радасы акъкъында» Украина Къанунынынъ 15-нджи маддесине, Къырым Мухтар Джумхуриети Юкъары Радасынынъ 2008 сенеси февраль 20-де къабул этильген «Къырым Мухтар Джумхуриети Юкъары Радасынынъ акълангъанларнынъ укъукъларыны тиклев ве Къырым Мухтар Джумхуриети Юкъары Радасынынъ базы норматив-укъукъий актларына денъишмелер кирсетюв меселелери боюнджа Комиссиясы акъкъында» 774-5/08 санлы Къарарына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2008 сенеси ноябрь 19-да къабул этильген 1055-5/08 санлы Къарарынен тасдикълангъан, Къырым Мухтар Джумхуриети Юкъары Радасынынъ акълангъанларнынъ укъукъларыны гъайрыдан тиклев меселелери боюнджа Комиссиясы акъкъында Низамнамесине (Къырым Мухтар Джумхуриетининъ норматив-укъукъий актлар Топламы, 2008 с., № 11, 920 мад.) ашагъыдаки денъишмелер кирсетильсин:
III болюгинде:
2-нджи пункт ашагъыдаки мундериджели сатырбашынен текмилленсин:
«Къырым Мухтар Джумхуриети Юкъары Радасы Регламентининъ 59-нджы маддесинде козьде тутулгъан эсаслары боюнджа ве тертип боюнджа Комиссиясынынъ реиси вазифесинден муддетинден эвель бошатылмасы Къырым Мухтар Джумхуриетининъ Юкъары Радасынынъ векялетинде»;
4-нджи пунктында:
ашагъыдаки мундериджели алтынджы сатырбашынен текмилленсин:
«Украинада акълангъанларнынъ укъукъларыны тиклев суаллери боюнджа къанунджылыгъы меселелерини изаламакъ себебинен Къырым Мухтар Джумхуриетининъ окъув юртларында чыкъышларда булуна, мезкюр меселелер боюнджа тематик тедбирлер, конференциялар, тегерек масалар, семинарлар кечирильмесинде иштирак эте»;
алтынджы — он экинджи сатырбашлары единджи — он учюнджи оларакъ сайылсын.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |