Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 10-нджы маддесине, Къырым Мухтар Джумхуриетининъ Юкъары Радасы Регламентининъ 97-нджи маддесиндеки биринджи къысымына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 1998 сенеси июнь 30-да къабул этильген 109-II санлы Къарарынен (Къырым Мухтар Джумхуриетининъ норматив-укъукъий актлар Топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад.; 2006 с., № 7, 496 мад., № 10, 887 мад.; 2007 с., № 4, 316 мад., № 10, 995 мад.; 2008 с., № 2, 72 мад.; 2009 с., № 9, 686 мад.; 2010 с., № 3, 158 мад., 159 мад.) тасдикълангъан, Къырым Мухтар Джумхуриети Юкъары Радасынынъ Регламентине ашагъыдаки денъишмелер кирсетильсин:
13-нджи маддесинде:
биринджи сатырбашында «Къырым Мухтар Джумхуриети Юкъары Радасынынъ депутатларындан оларгъа язы шекильде теклифлер» сезлери «Къырым Мухтар Джумхуриетининъ Юкъары Радасы ве Къырым Мухтар Джумхуриетининъ назирлер Шурасы депутатларындан оларгъа язы шекильде догърултувлар ве теклифлер» сезлерине денъиштирильсин;
экинджи сатырбашында «Малюмат, талиль ве протокол идарелиги» сезлери «Малюмат-талиль идарелиги» сезлерине денъиштирильсин;
15-нджи маддесиндеки экинджи къысымында:
«онынъ ачылмасына 3 кунь къалгъанда» сезлери чыкъарылсын;
«телевизион ве радио яйынларда хабер этиле» сезлери «кутьлевий малюмат васталары иле хабер этиле, Къырым Мухтар Джумхуриети Юкъары Радасынынъ сайтында ерлештириле» сезлерине денъиштирильсин;
43 маддесинде:
биринджи, экинджи ве учюнджи къысымлары ашагъыдаки тарирде арз этильсин:
«1. Къырым Мухтар Джумхуриети Юкъары Радасынынъ пленар отурышлары акъкъында малюмат хаберлери Къырым Мухтар Джумхуриети Юкъары Радасы Кятибиетининъ Малюмат-талиль идарелигининъ матбуат-меркезинен азырлана ве «Крымские известия» газетасында дердж этиле, эм де кутьлевий малюмат васталары иле хабер этиле, Къырым Мухтар Джумхуриети Юкъары Радасынынъ сайтында ерлештириле.
2. Къырым Мухтар Джумхуриети Юкъары Радасынынъ пленар отурышлары Къырым Мухтар Джумхуриети Юкъары Радасынынъ ишлери Идарелигинен «Графит» стенографик комплекси ве электрон ташыйыджылары къулланувы иле тарир ве муаррир этиле, Къырым Мухтар Джумхуриети Юкъары Радасы Кятибиетининъ весикъанен теминлев Идарелигинен протоколгъа алына.
3. Къырым Мухтар Джумхуриети Юкъары Радасы пленар отурышларны кягъыт ве электрон ташыйыджыларда ресмийлештирильмеси Къырым Мухтар Джумхуриети Юкъары Радасынынъ ишлери Идарелигинен эда этиле. Юкъары Радасы пленар отурышнынъ протоколы, пленар отурышларнынъ кочюрме ве стенограммасындан кочюрмелернинъ ресмийлештирюви Къырым Мухтар Джумхуриети Юкъары Радасы Кятибиетининъ весикъанен теминлев Идарелигинен эда этиле»;
алтынджы къысмы ашагъыдаки муарририетте арз этильсин:
«6. Къырым Мухтар Джумхуриети Юкъары Радасынынъ пленар отурышларнынъ электрон ташыйыджыларда язылгъан фонограмма ве стенограммасы
Къырым Мухтар Джумхуриети Юкъары Радасынынъ ишлери Идарелигинен такъвим йылы сонъуна еткенде Къырым Мухтар Джумхуриети Юкъары Радасынынъ архивине даимий сакъланып къалынмасы ичюн теслим этиле»;
единджи къысымында:
«Сессиянынъ стенограммасы» сезлери «Пленар отурышларнынъ стенограммасы» сезлерине денъиштирильсин;
«ишлери идарелигининъ муавининен, муарририет-нешрият болюгининъ мудиринен» сезлери «ишлер идаресининъ муавининен — муарририет-нешрият болюгининъ башлыгъынен» сезлерине денъиштирильсин;
66-нджы маддесинде:
дертюнджи къысмы ашагъыдаки тарирде арз этильсин:
«4. Къырым Мухтар Джумхуриети Юкъары Радасы Президиумынынъ отурышлары Къырым Мухтар Джумхуриетининъ Юкъары Радасы ишлери Идарелигинен «Графит» стенограф комплекси ве электрон ташыйыджылары къулланувынен сакъланып къалына, Къырым Мухтар Джумхуриети Юкъары Радасы Кятибиетининъ весикъанен теминлев Идарелигинен протоколгъа алына.
Къырым Мухтар Джумхуриетининъ Юкъары Радасы Президиумынынъ отурышлары стенограммаларны кягъыт ве электрон ташыйыджыларында ресмийлештирильмеси Къырым Мухтар Джумхуриети Юкъары Радасынынъ ишлери Идарелигинен эда этиле. Юкъары Радасы Президиумы отурышы протоколнынъ, протокол ве стенограммадан кочюрмелерни ресмийлештирюви Къырым Мухтар Джумхуриети Юкъары Радасы Кятибиетининъ весикъанен теминлев Идарелигинен эда этиле.
Юкъары Радасы Президиумы отурышнынъ протоколында отурышнынъ реисинен имза чекиле.
Юкъары Радасы Президиумынынъ отурышы стенограммасы Къырым Мухтар Джумхуриетининъ Юкъары Радасы ишлери Идарелигининъ муарририет-нешрият болюгининъ башлыгъынен — ишлер идаресининъ муавининен имза чекиле.
Къырым Мухтар Джумхуриети Юкъары Радасы Президиумы отурышнынъ электрон ташыйыджыларда язылгъан фонограмма ве стенограммасы Къырым Мухтар Джумхуриети Юкъары Радасынынъ ишлери Идарелигинен такъвим йылы сонъуна еткенде Къырым Мухтар Джумхуриети Юкъары Радасынынъ архивине даимий сакъланып къалынмасы ичюн теслим этиле»;
алтынджы къысмынынъ учюнджи сатырбашында «Малюмат, талиль ве протокол идарелиги» сезлери «Малюмат-талиль идарелиги» сезлерине денъиштирильсин;
97-нджи маддесиндеки биринджи къысымында «Къырым Мухтар Джумхуриети Юкъары Радасынынъ Президиумынен тасдикълангъан, Къырым Мухтар Джумхуриетининъ Юкъары Радасынен ве онынъ Президиумынен музакере этювге такъдим этильген норматив-укъукъий ве дигер актлар лейихаларынен ишнинъ тертиби акъкъында Низамнаменен» сезлери «Къырым Мухтар Джумхуриетининъ Юкъары Радасынен тасдикълангъан, Къырым Мухтар Джумхуриетининъ Юкъары Радасынен музакере этювге такъдим этильген, норматив-укъукъий ве дигер актлар лейихаларынен ишнинъ тертиби акъкъында Низамнаменен» сезлерине денъиштирильсин;
98-нджи маддесиндеки биринджи къысымынынъ 1 пункты ашагъыдаки муарририетте арз этильсин:
«1) кягъытта лейиханы такъдим эткен субъектнинъ визасынен метин аит тарзда ресмийлештирильген алда, эм де «Word» форматында электрон ташыйыджысында норматив-укъукъий я да дигер актнынъ лейихасы такъдим этильмеси»;
99-нджы маддесининъ биринджи къысымында:
учюнджи сатырбашында «Къырым Мухтар Джумхуриети Юкъары Радасынынъ даимий комиссияларына» сезлери «Къырым Мухтар Джумхуриети Юкъары Радасынынъ даимий комиссиялары статусы иле комиссиялары» сезлеринен текмилленсин;
бешинджи сатырбашында «Къырым джумхурий дженк, эмек ве арбий хызмет ветеранлары шурасына» сезлери «Къырым Мухтар Джумхуриетининъ ветеранлар Тешкиляты Шурасына» сезлерине денъиштирильсин;
алтынджы сатырбашында «ерли мустакъиль идарелиги органлары ассоциациясында» сезлери «Къырым Мухтар Джумхуриетининъ ве Севастополь ш. ерли мустакъиль идарелиги органлары Ассоциациясына» сезлерине денъиштирильсин;
единджи сатырбашында «лейиханы кирсеткен субъект» сезлери «(Юкъары Радасы баш комиссиясынынъ теклифи боюнджа, Къырым Мухтар Джумхуриети Юкъары Радасы Реисининъ эмири боюнджа)» сезлеринен текмилленсин;
104-нджи маддесининъ экинджи къысымы лягъу этильсин;
ашагъыдаки мундериджели 104-1 маддесинен текмилленсин:
«104-1 мадде. Къырым Мухтар Джумхуриети Юкъары Радасынынъ норматив-укъукъий ве дигер актлары лейихаларына догърултувлар ве теклифлер кирсетильмеси
Къырым Мухтар Джумхуриети Юкъары Радасынынъ норматив-укъукъий ве дигер актлары лейихаларына Къырым Мухтар Джумхуриети Юкъары Радасы ве Къырым Мухтар Джумхуриети назирлер Шурасы депутатларынынъ догърултувлар ве теклифлери язы шекилинде (сонъра — догърултувлар ве теклифлер), адет узре, Къырым Мухтар Джумхуриети Юкъары Радасынынъ пленар отурышы кечирильмеси кунюнедже 3 иш куню къалгъанда кирсетиле.
Догърултувлар ве теклифлер Къырым Мухтар Джумхуриети Юкъары Радасынынъ пленар отурышларында музакере этиле ве малие-икътисадият (зарур олса) ве адлие хулясалары, эм де баш комиссияларнынъ хулясалары азыр олгъанда рейге къоюла.
Зарур олгъан хулясаларсыз ве уйгъунлаштырылмагъан, эм де баш комиссия, Къырым Мухтар Джумхуриетининъ назирлер Шурасы, Къырым Мухтар Джумхуриети малие Назирлиги я да музакере этильген меселенинъ компетенциясы черчивесине кирген Къырым Мухтар Джумхуриетининъ дигер назирлиги (джумхурий комитети), эм де Къырым Мухтар Джумхуриетинде Украина адлие Назирлигининъ Баш адлие идарелиги, Къырым Мухтар Джумхуриети Юкъары Радасы Кятибиетининъ Адлие идарелигининъ хулясалары нетиджесинде, Къырым Мухтар Джумхуриети Юкъары Радасынынъ норматив-укъукъий актларына, Украина Анаясасына ве къанунларына, Къырым Мухтар Джумхуриети Анаясасына зыддиети акъкъында догърултувлар ве теклифлер, эм де догърултувлар ве теклифлернинъ амельге кечирильмеси ичюн Къырым Мухтар Джумхуриетининъ бюджети иле козьде тутулмагъан къошма малиенен теминленмеси зарур олгъаны себеби иле музакере этильмей ве рейге кълюлмай»;
111-нджи маддесиндеки дертюнджи къысымынынъ бешинджи сатырбашы ашагъыдаки тарирде арз этильсин:
«Къырым Мухтар Джумхуриети Юкъары Радасынынъ сайтында ерлештирильмеси ичюн Къырым Мухтар Джумхуриети Юкъары Радасы Кятибиетининъ Малюмат-талиль идарелигининъ матбуат-меркезине».
2. Къырым Мухтар Джумхуриети Юкъары Радасынынъ 2003 сенеси октябрь 22-де къабул этильген «Къырым Мухтар Джумхуриетининъ Юкъары Радасынен музакере этювге такъдим этильген норматив-укъукъий ве дигер актлары лейихалары иле, ве онынъ Президиумынынъ укюмлери лейихалары иле ишнинъ тертиби акъкъындаки Низамнамеси акъкъында» 715-3/03 санлы Къарарына (Къырым Мухтар Джумхуриетининъ норматив-укъукъий актлар Топламы, 2003., № 10, 857 мад.; 2004 с., № 12, 1105 мад.) ашагъыдаки денъишмелер кирсетильсин:
мезкюр Къарарнен тасдикълангъан, Къырым Мухтар Джумхуриетининъ Юкъары Радасына музакере этильмесине такъдим этильген норматив-укъукъий ве дигер актлары лейихалары иле, ве онынъ Президиумынынъ укюмлери лейихалары иле ишнинъ тертиби акъкъында Низамнамесинде:
2-нджи пунктынынъ 2.2 пунктасты ашагъыдаки мундериджели бешинджи сатырбашынен текмилленсин:
«Къырым Мухтар Джумхуриети Юкъары Радасынынъ менсюп пленар афтасына отурышларнынъ кунь тертиби лейихасына кирсетмек ичюн теклиф этильген икътисадият, бюджет ве мулькиет меселелери боюнджа лейихаларны кирсетюв тертибини тешкиль эткен, тешкилий меселелер боюнджа Идарелигининъ баш муавинининъ рухсетнамеси — Къырым Мухтар Джумхуриети Юкъары Радасы Кятибиетининъ тешкилий меселелери боюнджа Идарелиги баш муавинининъ рухсетнамеси»;
4-нджи пунктынынъ 4.8 пунктастындаки он экинджи сатырбашында «тенъештирюв джедвели» сезлери «иджраджы тарафындан рухсет берильген тенъештирюв джедвели» сезлерине денъиштирильсин;
5-нджи пунктында:
5.1 пунктастында «тюзетиджининъ рухсетнамеси зарур» сезлери «нормояратыджылыкъ техникасынынъ талапларына мувафыкъ кешиф нетиджелери боюнджа укъукъий базасыны компьютерлештирюв ве тертибатлаштырув болюгининъ тюзетиджи ве мудирнинъ рухсетнамелери зарур» сезлерине денъиштирильсин;
5.2 пунктасты ашагъыдаки тарирде арз этильсин:
«5.2. Къырым Мухтар Джумхуриетининъ Юкъары Радасынен музакере этильмеси ичюн Къырым Мухтар Джумхуриетининъ Юкъары Радасы Президиумынынъ азасынен — депутатынен чыкъарылгъан лейихагъа онынъ иле, тюзетиджинен, эм де нормояратыджылыкъ техникасынынъ талапларына мувафыкълиги акъкъында кешиф нетиджелери боюнджа укъукъий базасыны компьютерлештирюв ве тертибатлаштырув болюгининъ мудиринен рухсет берильмеси лязим. Президиум азасынынъ авалеси боюнджа къайд этильген лейиханынъ азырлыгъында кенъешчи иштирак эткен олса, Къырым Мухтар Джумхуриети Юкъары Радасы даимий комиссияларнынъ фаалиетини теминлев ве тешкилий иши боюнджа болюгининъ эда этиджиси ве мудири оларакъ танылгъан кенъешчинен лейхагъа рухсет бериле (тешкилий меселелер боюнджа — икътисадият, бюджет ве мулькиет боюнджа Идарелигининъ баш муавининен)»;
8-нджи пунктынынъ 8.1 пунктасты ашагъыдаки мундериджели сатырбашынен текмилленсин:
«Къырым Мухтар Джумхуриети Юкъары Радасынынъ ишлери Идарелигине (Ишлери Идарелигининъ компетенциясы черчивесиндеки меселелери боюнджа)»;
17-нджи пунктында:
17.1 пунктастында «язы шекильде теклифлер» сезлери «язы шекильде догърултувлар ве теклифлер» сезлерине денъиштирильсин;
ашагъыдаки мундериджели 17.2 пунктастынен текмилленсин:
«17.2. Къырым Мухтар Джумхуриетининъ Юкъары Радасынен музакере этювге джедвельдеки пленар афтасына кирсетильген лейихалар Къырым Мухтар Джумхуриети Юкъары Радасынынъ сайтында ерлештириле»;
19-нджи пунктында:
19.1 пунктасты ашагъыдаки мундериджели сатырбашынен текмилленсин:
«Лейихаларнынъ музакере этилюви протоколгъа алына, эм де «Графит» стенографик комплекси ве электрон ташыйыджылары къулланувы иле сакъланып къалына»;
19.4 пунктасты «баш комиссиялары ишни сонъуна еткизе» сезлери «зарур олгъанда нормояратыджылыкъ техникасынынъ талапларына мувафыкъ кетириле (къанунджылыкъ ве дигер норматив-укъукъий актларына, нешир этюв менбаларына, башлар, мадделер, пунктлар, пунктастлар, сатырбашлар, сатырларнынъ сайысына багълантыларны къыдырув къысымында, тасдикълав ве илявелерни ресмийлештирюв, весикъаны тертиплештирюв ве иляхри), оларгъа манасыны денъиштирмеген муарририет догърултувлар кирсетильмеси мумкюн (акимиет органларнынъ, муэссиселер, тешкилятлар, ишханелер, вазифелер ве дигерлернинъ ресмий адларыны къыдырув къысымында)» сезлеринен текмилленсин;
20-нджи пунктынынъ 20.1 пунктастында:
учюнджи сатырбашы ашагъыдаки тарирде арз этильсин:
«Догърултувларсыз къабул этильди» бельгисинен весикъаны баш комиссиясынынъ кенъешчисинен рухсет бериле, сонъра — укъукъий базасыны компьютерлештирюв ве тертибатлаштырув болюгининъ мудиринен, Адлие идарелигининъ башлыгъынен, Къырым Мухтар Джумхуриети Юкъары Радасынынъ даимий комиссияларынынъ фаалиетини теминлев ве тешкилий иши боюнджа болюгининъ мудиринен (икътисадият, бюджет ве мулькиет меселелери боюнджа — тешкилий меселелер боюнджа Идарелигининъ башлыгъы муавини иле), Юкъары Радасынынъ баш комиссиясынынъ реисинен (Къырым Мухтар Джумхуриетининъ назирлер Шурасынен кирсетильген лейихалары ичюн)»;
21-нджи пунктынынъ 21.1 пунктастындаки бешинджи сатырбашы ашагъыдаки тарирде арз этильсин:
«азыр весикъагъа кирсетильген догърултувларнынъ пленар отурышларда къабул этильген догърултувларгъа мувафыкълиги узеринден незарет эда этмек ичюн укъукъий базасыны компьютерлештирюв ве тертибатлаштырув болюгининъ мудири, Адлие идарелигининъ башлыгъы, Къырым Мухтар Джумхуриети Юкъары Радасынынъ даимий комиссиялары фаалиетини ве тешкилий ишни (икътисадият, бюджет ве мулькиет меселелери боюнджа — тешкилий меселелер боюнджа Идарелигининъ баш муавини) теминлев боюнджа болюгининъ мудири тарафындан весикъагъа рухсетнаме баш комиссиясынынъ кенъешчисинен алынсын»;
29-нджи пунктынынъ 29.1 пунктастында:
биринджи сатырбашында «я да магнит язылышы» сезлери чыкъарылсын;
ашагъыдаки мундериджели бешинджи сатырбашынен текмилленсин:
«укъукъий базасыны компьютерлештирюв ве тертибатлаштырув болюгининъ мудири, Адлие идарелигининъ башлыгъы тарафындан кенъешчинен весикъагъа рухсет алынсын»;
бешинджи — секизинджи сатырбашлары алтынджы — докъузынджы сатырбашлары оларакъ сайылсын;
2-нджи пунктынынъ 2.2 пунктастындаки экинджи сатырбашында, 7-нджи пунктынынъ 7.1, 7.2 пунктастларында, 9-нджы пунктынынъ 9.4, 9.5 пунктастларында, 15-нджи пунктынынъ 15.4, 15.5 пунктастларында, 16-нджы пунктынынъ 16.1.2 пунктастында, 16.1 пунктастында, 16.2 пунктастында, 24-нджи пунктынынъ 24.4 пунктастында, 25-нджи пунктынынъ 25.1, 25.3 пункастларында, 26-нджы пунктынынъ 26.1 пункастындаки «пленар отурышларда ве протокол ишинде хызмет этюв болюги» сезлери «Къырым Мухтар Джумхуриетининъ Юкъары Радасы ве онынъ Президиумы отурышларны теминлев болюги» аит келишлердеки сезлерине денъиштирильсин;
18-нджи пунктынынъ 18.1 пунктастында, 24-нджи пунктынынъ 24.4 пункастынынъ бешинджи сатырбашында «Малюмат, талиль ве протокол идарелиги» сезлери «Малюмат-талиль идарелиги» сезлерине денъиштирильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |