КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2008 СЕНЕСИ ИЮНЬ 18-де КЪАБУЛ ЭТИЛЬГЕН «КЪЫРЫМ МУХТАР ДЖУМХУРИЕТИНИНЪ БЮДЖЕТ ВАСТАЛАРЫ ЭСАБЫНА АКЦИЗ МАЛЛАРНЫ ИСТИСАЛ ЭТИДЖИ ИШХАНЕЛЕРНИ ИКЪТИСАДИЙ РАГЪБЕТЛЕНДИРЮВ ВЕ КРЕДИТЛЕРНИ УДЖУЗЛАШТЫРУВ МЕХАНИЗМИ ВАСТАСЫНЕН ИННОВАЦИОН (САЛЫМ) ЛЕЙИХАЛАРЫ АМЕЛЬГЕ КЕЧИРИЛЬМЕСИ ИЧЮН ИШХАНЕЛЕРГЕ МАЛИЕ ЯРДЫМЫ КОСЬТЕРЮВ АКЪКЪЫНДА» 912-5/08 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына мувафыкъ

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриети Юкъары Радасынынъ 2008 сенеси июнь 18-де къабул этильген «Къырым Мухтар Джумхуриетининъ бюджет васталары эсабына акциз малларнынъ истисал этиджи ишханелерни икътисадий рагъбетлендирюв ве кредитлерни уджузлаштырув механизми вастасынен инновацион (салым) лейихалары амельге кечирильмеси ичюн ишханелерге малие ярдымы косьтерюв акъкъында» 912-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., № 6, 466 мад., № 9, 709 мад.; 2009 с., № 5, 353 мад., № 9, 703 мад., № 11, 857 мад.,858 мад., № 12, 953 мад., 970 мад.) ашагъыдаки денъишмелер кирсетильсин:

1.1. Мезкюр Къарарнен тасдикълангъан, берги юкленген малларны арттырув ве махсулатнынъ истисал колеми артмасыны теминлеген, Къырым Мухтар Джумхуриетининъ акциз малларнынъ истисал этиджи ишханелерни икътисадий рагъбетлендирюв тертиби акъкъында Низамнамесинде:

II болюгинде:

3-нджи пункт ашагъыдаки тарирде арз этильсин:

«3. Ишханелернен весикъалар такъдим этильген сонъ, чалышкъан куньлерден он кунь ичинде комиссия тарафындан отурыш кечириле, кельген малюматлар музакере этиле. Мезкюр Низамнаменинъ нормаларына мувафыкъ, комиссиясынен ишханелерге одеме такъдим этюв акъкъында укюм къабул этиле, сонъра Къырым Мухтар Джумхуриетининъ малие Назирлигине, Къырым Мухтар Джумхуриетининъ аграр сиясети Назирлигине, Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына теслим этиле. Ишханелерге — одевни эльде эткенлерге укюмден кочюрме еллана.

Декабрь ичюн одевни такъдим этюв акъкъында укюм комиссиянен декабрь 28 кунюне къадар къабул этиле. Васталар бюджет йылнынъ сонъунадже теслим этиле»;

8-нджи пунктындаки «Къырым Мухтар Джумхуриетининъ малие Назирлиги ишлеп чыкъаргъан ве тасдикълагъан форма боюнджа эльде эткен одев параларынен файдаланув акъкъында эсабат» сезлери «тайинленген форма боюнджа эльде эткен одев параларынен файда­ланув акъкъында эсабат» сезлерине денъиштирильсин.

1.2. Мезкюр Къарарнен тасдикълангъан, Къырым Мухтар Джумхуриетинде акциз малларнынъ истисал этиджи ишханелерни икътисадий рагъбетлендирюв боюнджа Комиссиясынынъ теркиби янъы тарирде арз этильсин (иляве этиле).

2. Мезкюр Къарар къабул этильген кунюнден арекетке кире.