КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2004 СЕНЕСИ ОКТЯБРЬ 20-де КЪАБУЛ ЭТИЛЬГЕН 1087-4/04 САНЛЫ КЪАРАРЫНЕН ТАСДИКЪЛАНГЪАН, КЪЫРЫМ МУХТАР ДЖУМХУРИЕТИ БЮДЖЕТИНИНЪ ВАСТАЛАРЫ ЭСАБЫНА ТЕМЕЛЬ КЪУРУДЖЫЛЫГЪЫ ОБЪЕКТЛЕРИНИ МАЛИЕНЕН ТЕМИНЛЕВ ВЕ ХОДЖАЛЫКЪ СУБЪЕКТЛЕРНИНЪ ИСТИСМАРЫНА КЪУРУДЖЫЛЫГЪЫ БИТКЕН ОБЪЕКТЛЕРНИ ТЕСЛИМ ЭТЮВ ТЕРТИБИ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 10 пунктына, 26-нджы маддесиндеки экинджи къысымынынъ 1, 4 пунктларына мувафыкъ, ходжалыкъ субъектлерининъ истисмарына къуруджылыгъы биткен объетклерини теслим этюв механизмини мукеммеллештирюв макъсады иле,

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриети Юкъары Радасынынъ 2004 сенеси октябрь 20-де къабул этильген 1087-4/04 санлы Къарарынен тасдикълангъан, Къырым Мухтар Джумхуриети бюджетининъ васталары эсабына темель къуруджылыгъы объектлерини малиенен теминлев ве ходжалыкъ субъектлернинъ истисмарына къуруджылыгъы биткен объектлерни теслим этюв тертиби акъкъында Низамнамесине (Къырым Мухтар Джумхуриетининъ норматив-укъукъий актлар Топламы, 2004 с., № 10, 883, № 12, 1082 мад.; 2006 с., № 7, 503 мад.; 2007 с., № 10, 991 мад.) ашагъыдаки денъишмелер кирсетильсин:

3-нджи пунктында:

3.10 пунктастынынъ дертюнджи сатырбашында «тайинленген тертипте тасдикълангъан, истисмаргъа объектни кирсетюв боюнджа девлет (иш) комиссиясы актыны имзаламакъ» сезлери «къанунджылыкънен тайинленген тертипте къуруджылыгъы биткен объектлерни истисмаргъа къабул этюв» сезлерине денъиштирильсин;

ашагъыдаки мундериджели 3.15 пунктастынен текмилленсин:

«3.15. Коммуналь, территораль джемиетлерининъ умумий мулькиети укъугъы олгъан объектлернинъ темель тамирлев ве гъайрыдан тикленмеси ичюн еллангъан, джумхурий темель сермия озьара уйгъунлаштырылгъан шартларда бедава теслим этиле. Къуруджылыгъы биткен объект шу джемиетининъ коммуналь мулькиети я да территориаль джемиетининъ умумий мулькиети оларакъ таныла»;

4-нджи пунктында:

4.3 пунктастында «Девлет (иш) комиссиясынен объектни къабул эткен сонъ» сезлери «Къанунджылыкънен тайинленген тертипте къуруджылыгъы биткен объектлерни истисмаргъа къабул эткен сонъ» сезлерине денъиштирильсин;

ашагъыдаки мундериджели 4.7 пунктастынен текмилленсин:

«4.7. Мулькиетке къайд этильген объектлерни къабул этюв ве объектлерни къабул этюв-теслим этюв боюнджа комиссиясы мейдангъа кетирильмеси акъкъында ерли мустакъиль органларнынъ укюмине эсасланаракъ, къанунджылыкънен тайинленген тертипте истисмаргъа къабул этильген сонъ, коммуналь, территориаль джемиетлерининъ умумий мулькиети укъугъы олгъан объектлеринде темель тамирлев ве гъайрыдан тиклев къуруджылыгъы биткен объектлер аит территориаль джемиетлернинъ коммуналь ве умумий мулькиети ходжалыгъы субъектлерине теслим этилелер».

2. Мезкюр Къарар къабул этильген кунюнден арекетке кире.