КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ ТЕРРИТОРИЯСЫНДА АВДЖЫЛЫКЪ¬ ВАРАКЪАЛАР БЛАНКЛАРНЫ ДЖЕДВЕЛЬГЕ АЛУВ ВЕ ФАЙДАЛАНУВ ТЕРТИБИ АКЪКЪЫНДА

Украина Анаясасынынъ 137-нджи маддесиндеки биринджи къысымынынъ 8 пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 пунктына, 26-нджы маддесиндеки экинджи къысымынынъ 31 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 8 пунктына, «Авджылыкъ ходжалыгъы ве авджылыкъ акъкъында» Украина Къанунынынъ 9, 14 ве 17 мадделерине мувафыкъ, Къырым Мухтар Джумхуриети территориясында авджылыкъ варакъалардан файдаланув механизмини тертипке къоюв, джисманий ве адлие шахсларгъа авджылыкъкъа укъукъ берильмеген кутьлевий къанунсыз авджылыгъынынъ огюни алув ве къаршылыкъ косьтерюв макъсадларында,

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриетининъ территориясында авджылыкъ варакъалар бланкларны джедвельге алув ве файдаланув Тертиби тасдикълансын (иляве этиле).

2. Къырым Мухтар Джумхуриетининъ назирлер Шурасы тарафындан Къырым Мухтар Джумхуриетининъ орман ве авджылыкъ ходжалыгъы боюнджа Джумхурий комитетине авале этильсин:

Къырым Мухтар Джумхуриетининъ территориясында авджылыкъ варакъалар бланкларны джедвельге алув ве файдаланув Тертибине мувафыкъ эр бир авджылыкъ вакъытында Къырым Мухтар Джумхуриетининъ территориясында авджылыкъ варакъаларны 2009/2010 сенелери авджылыкъ вакъытындан башлап джедвельге алув;

авджылыкъ ходжалыгъы ве авджылыкъ саасында Украина амельдеки къанунджылыкънынъ ве норматив-укъукъий актларнынъ къарарларына адлие ве джисманий шахсларнынъ риает этильмесине незарет теминленсин;

адлие ве джисманий шахсларгъа авджылыкъкъа амельдеки къанунджылыкънен укъукъ берильмегени себеби иле, авджылыкъ варакъалары берильмесини (сатылмасыны) ясакъ этюв боюнджа тедбирлер козьде тутулсын;

къайд этильген авджылыкъ вакъыты биткен сонъ, авджылыкъ варакъаларнынъ джедвельге алынгъан ишлетильмеген бланклары екъ этильсин.

3. Мезкюр Къарар эда этильмеси боюнджа незарет аграр ве топракъ меселелери, экологик ве табиаттан анълакъсал файдаланув боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.