КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР ТАКЪДИМ ЭТИЛЬМЕСИ АКЪКЪЫНДА РЕСМИЙ РИДЖАНАМЕЛЕРНИ УЙГЪУНЛАШТЫРУВ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2, 9 пунктларына, 26-нджы маддесиндеки экинджи къысымынынъ 31 пунктына, ер асты байлыкълары акъкъында Украина Къануннамесининъ 9-нджы маддесининъ 2 пунктына, 16 ве 19 мадделерине, Украина Назирлер Кабинетининъ 2009 сенеси июнь 17-де къабул этильген 608 санлы Къарарынен тасдикълангъан, ер асты байлыкъларындан файдаланмакъ ичюн махсус изинлерни 2009 сенесинде такъдим этюв Тертибининъ 8-нджи пунктына мувафыкъ

Къырым Мухтар Джумхуриетининъ Юкъары Радасы къарар бере:

1. Ер асты байлыкъларындан файдаланмакъ ичюн махсус изинлер аукционсыз такъдим этильмеси акъкъында ресмий риджанамелер уйгъунлаштырылсын:

1) «Черноморнефтегаз» девлет акционер джемиетине (Симферополь ш.) — Къырым Мухтар Джумхуриетининъ Черноморское районынынъ Новосельское к. ерлешкен Северо-Сиваш­ское ер асты сувлары ер догъумынынъ (ер асты голю, № 5238, № 5239 бужарлары) «Новосельский» дамартысында амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) «Миллий аграр университетининъ Фрунзе адына Ильмий-тедкъикъий джыныслы къуш заводы» девлет ишханесине (Фрунзе к., Саки районы) — Къырым Мухтар Джумхуриетининъ Фрунзе к. ерлешкен Альминское ер догъумынынъ (сармат ер асты голю, № 3859, 3861, 3863, 3864, 3865 бужарлары) «Альминский-2»  дамартысында ер асты татлы сувларны чыкъармакъ ичюн;

3) «Миллий аграр университетининъ Фрунзе адына Ильмий-тедкъикъий джыныслы къуш заводы» девлет ишханесине (Фрунзе к., Саки районы) — Къырым Мухтар Джумхуриетининъ Саки районынынъ Фрунзе к. ерлешкен Альминское ер догъумынынъ (понт-меотик ер асты голю, №№ 3853, 3854, 3855, 3856, 3857, 3858, 3860, 3862 бужарлары) «Альминский-1» дамартысында ер асты татлы сувларны чыкъармакъ ичюн;

4) «Крым» бираалкогольсиз комбинат» ачыкъ акционер джемиетине (Симферополь ш.) — Къырым Мухтар Джумхуриетининъ Саки ш. Альминское ер догъумынынъ (сармат ер асты голю, № 3820 бужары) «Альминкий-2» дамартысында ер асты татлы сувларны чыкъармакъ ичюн.

2. Мезкюр Къарар къабул этильген кунюнден арекетке кире.