Къырым Мухтар Джумхуриети Анаясасынынъ 18-нджи маддесиндеки учюнджи къысымына, 26-нджы маддесиндеки экинджи къысымынынъ 36 пунктына ве Къырым Мухтар Джумхуриети Юкъары Радасынынъ 1998 сенеси декабрь 24-де къабул этильген 315-2/98 санлы Къарарынен тасдикълангъан, Къырым Мухтар Джумхуриетининъ темсилий ве иджра акимиети органларынынъ Украина регионларынен ве четэль мемлекетлернен ичтимаий-икътисадий ве медений сааларында ишбирлиги акъкъында мукъавелелерини азырлав, хуляса чыкъарув, амельге кечирюв ве арекетини токътатув тертиби акъкъында Низамнамесине мувафыкъ, Къырым Мухтар Джумхуриети ве Киев виляети арасында ишбирлигининъ илериде инкишафы макъсады иле,
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети ве Киев виляети арасында икътисадий, ильмий-техникий ве медений ишбирлиги акъкъында Мукъавелеси тасдикълансын (иляве этиле).
2. Мезкюр Мукъавелени амельге кечирюв боюнджа ишни тешкиль этюв Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |