КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1998 СЕНЕСИ ОКТЯБРЬ 21-де ЭКИНДЖИ СЕССИЯСЫНДА КЪАБУЛ ЭТИЛЬГЕН КЪЫРЫМ МУХТАР ДЖУМХУРИЕТИНИНЪ АНАЯСАСЫНА ДЕНЪИШМЕЛЕР КИРСЕТЮВ, ВЕ ОЛАРНЫ АМЕЛЬГЕ КЕЧИРЮВ БОЮНДЖА ТЕДБИРЛЕР АКЪКЪЫНДА

Украина Анаясасынынъ 135-нджи маддесиндеки биринджи къысымына, Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1 пунктына, 27-нджи маддесиндеки биринджи къысымына мувафыкъ

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриети Юкъары Радасынынъ 1998 сенеси октябрь 21-де экинджи сессиясында рус тилинде къабул этильген Къырым Мухтар Джумхуриети Анаясасына ашагъыдаки денъишмелер кирсетильсин:

бутюн метин боюнджа «Къырым Мухтар Джумхуриетининъ Юкъары Радасы» сезлери «Къырым Мухтар Джумхуриетининъ Юкъары Шурасы» сезлерине аит келишлерде денъиштирильсин;

29-нджы маддесиндеки экинджи къысымында «Юкъары Радасынынъ Реиси» сезлери «Юкъары Шурасынынъ Реиси» сезлерине денъиштирильсин.

2. Украина Анаясасыны украин тилинден рус тилине терджиме эткенде, аит муаррирлик денъишмелер кирсетюв риджасынен Украина Юкъары Радасынынъ Реисине Литвин В. М. мезкюр Къарар еллансын.

3. Мезкюр Къарарны эда этюв боюнджа лязим тедбирлерни амельдеки къанунджылыкънен тайинленген тертипте ве муддетлеринде кечирмек Къырым Мухтар Джумхуриети Юкъары Радасынынъ ишлери Идарелигине авале этильсин, шу сырада:

Къырым Мухтар Джумхуриетининъ темсиль органнынъ ады рус тилиндеки денъишмелеринен весикъалар тайинленген тертипте джедвельге алынмасы ичюн девлет тешкилятына адарлы такъдим этильсин;

Украина Граждан къануннамесининъ 90-нджы маддесиндеки дертюнджи къысымынынъ талапларына мувафыкъ Къырым Мухтар Джумхуриетининъ темсилий органнынъ рус тилиндеки ады денъишмеси акъкъында малюматлар нешир кутьлевий малюмат васталарында илян этильсин;

Украинанынъ ишханелер ве тешкилятлар Бир девлет реестрине аит денъишмелер кирсетмек ичюн зарур малюматлар Къырым Мухтар Джумхуриетинде статистик Баш идарелигине такъдим этильсин;

левха, баскъы, муурь, бланкларда, эм де шеадетнамелер ве иляхрилерде ерлештирильмеси ичюн, Къырым Мухтар Джумхуриетининъ темсиль органнынъ рус тилиндеки адына лязим денъишмелер Къырым Мухтар Джумхуриети Юкъары Радасынынъ Кятибиетинен бирликте кирсетильсин.

4. Къырым Мухтар Джумхуриетининъ Юкъары Радасы, онынъ органлары, Къырым Мухтар Джумхуриетининъ Юкъары Радасы депутатлары, Къырым Мухтар Джумхуриети Юкъары Радасынынъ Кятибиети, Къырым Мухтар Джумхуриети Юкъары Радасынынъ ишлери Идарелигининъ бланклары, шеадетнамелери ве иляхриде Къырым Мухтар Джумхуриетининъ темсилий органнынъ ады рус тилинде къулланувына менсюп Къырым Мухтар Джумхуриети Юкъары Радасынынъ къарарлары ве укюмлерине, онынъ Президиумынынъ укюмлерине де­нъишмелер кирсетильмеси боюнджа теклифлерни азырламакъ ве тайинленген тертипте Къырым Мухтар Джумхуриетининъ Юкъары Радасынен ве онынъ Президиумынен музакере этильмесине кирсетмек Къырым Мухтар Джумхуриети Юкъары Радасынынъ мандат, депутат этикасы, Юкъары Радасынынъ ишлерини тешкиль этюв ве кутьлевий малюмат васталары боюнджа Даимий комиссиясына авале этильсин.

5. Мезкюр Къарар «Крымские известия» газетасында дердж этильсин.

6. Мезкюр Къарар къабул этильген кунюнден арекетке кире.