КъМДж ЮР Къарары

2010 СЕНЕСИ КЪЫРЫМ МУХТАР ДЖУМХУРИЕТИНИНЪ ИЧКИ ОДЮНЧ ОБЛИГАЦИЯЛАР ЧЫКЪАРУВ ШЕКИЛИНДЕ АЛУВ АКЪКЪЫНДА

Къырым Мухтар Джумхуриети Анаясасынынъ 26-нджы маддесине, «Къыйметли кя­гъытлар ве фонд биржасы акъкъында» Украина Къанунынынъ 9-нджы маддесине, Украина Назирлер Кабинетининъ 2003 сенеси февраль 24-те къабул этильген 207 санлы Къарарынен тасдикълангъан ерли бюджетлерге одюнч алув Тертибине, 2003 сенеси октябрь 7-де къабул этильген 414 санлы къыйметли кягъытлар ве фонд чаршысы боюнджа Девлет комиссиясынынъ укюминен тасдикълангъан, ерли ички одюнч облигациялар чыкъарув тертиби акъкъында Низамнамесине­ мувафыкъ 2010 сенесинде Къырым Мухтар Джумхуриетининъ инкишаф бюджети дефицитны малиенен теминлев макъсады иле,

Къырым Мухтар Джумхуриетининъ Юкъары Радасы къарар бере:

1. Къырым Мухтар Джумхуриетининъ инкишаф бюджетине 2010 сенесинде одюнч алынмасы ашагъыдаки шартларда эда этильсин:

ички одюнч облигациялар чыкъарув шекилинде алынмасы эда этильсин;

одюнчнинъ колеми (борджнынъ эсас микъдары) — 400000000,0 грн.;

файыз ставкасы — йылда 16% къадар;

облигациялар боюнджа файызларны телев — эр учь ай ичинде;

облигациялар боюнджа борджнынъ эсас микъдарыны телев муддети — 2015 сенесининъ декабрь 31 кунюнедже;

одюнч алувнынъ макъсады — салым ве инновацион фаалиети эда этильмесинен багълы ичтимаий-икътисадий ве медений инкишафы программаларны амельге кечирмек, ел-накълие инфраструктурасы инкишафына; накълие васталарнынъ истисалы ве сатын алынмасына; мескен-коммуналь ходжалыгъыны реформалаштырув; истисал ве истисал этмеген хусусиети олгъан эсас фондларны, раатланув-тедавийлев ве рекреацион хусусиети олгъан инфраструктуралы лейихаларны янъылаштырувнен багълы масрафларны малиенен теминлемек ичюн Къырым Мухтар Джумхуриетининъ 2010 сенеси инкишаф бюджетининъ дефициты япылмасы ичюн васталар джельп этильсин.

2. Къырым Мухтар Джумхуриетининъ назирлер Шурасына:

2.1. 2010 сенеси Къырым Мухтар Джумхуриетининъ ички одюнч облигациялар эмиссия проспекти тешкиль этильсин; ички одюнч облигациялар чыкъарув шекилинде алувынен багълы; андеррайтернен(лернен) мукъавеле тизильсин; облигациялар чыкъармасыны тешкиль этюв боюнджа депозитарийнен мукъавеле тизильсин; облигацияларны ерлештирюв нетиджелери тасдикълансын.

2.2. Ички борджуны ве облигацияларны телемек ичюн Къырым Мухтар Джумхуриетининъ бюджетинде аит йылгъа эр йыл васталар козьде тутулсын.

3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

4. Мезкюр Къарар Украина малие Назирлигинен мезкюр Къарар лейихасынынъ бюджет къанунджылыгъынен тайинленген талапларгъа мувафыкълиги акъкъында хуляса чыкъаргъан ве уйгъунлаштырылгъан сонъ арекетке кире.