КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2000 СЕНЕСИ МАРТ 15-те КЪАБУЛ ЭТИЛЬГЕН «КЪЫРЫМ МУХТАР ДЖУМХУРИЕТИНЕ АИТ МУЛЬКИЕТИНИНЪ ТЕРКИБИ АКЪКЪЫНДА» 982-2/2000 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26 маддесине, Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 459-2/99 санлы Къарарынен тасдикълангъан, Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамеге мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2000 сенеси март 15-те къабул этильген «Къырым Мухтар Джумхуриетине аит мулькиетининъ теркиби акъкъында» 982-2/2000 санлы Къарарына (Къырым Мухтар Джумхуриетининъ норматив-укъукъий актлар Топламы, 2000 с., № 3, 207 мад., № 5, 489 мад., 490 мад., № 6, 603 мад., № 10, 1075 мад., № 12, 1322 мад.; 2001 с., № 6, 566 мад., № 9, 930 мад., 931 мад., № 11, 1202 мад.; 2002 с., № 2, 89 мад., № 6, 484 мад., № 9, 940 мад., 941 мад., № 11, 1173 мад., 1174 мад.; 2003 с., № 2, 106 мад., № 5, 429 мад., № 6, 541 мад., № 9, 713 мад., № 11, 914 мад., № 12, 976 мад.; 2004 с., № 2, 65 мад., № 3, 160 мад., № 4, 299 мад., № 5, 418 мад., № 9, 798 мад., № 10, 886 мад., 888 мад., № 11, 994 мад., № 12, 1093 мад.; 2005 с., № 2, 66 мад., № 6, 462 мад., № 11, 1053 мад., № 12, 1121 мад.; 2006 с., № 7, 504 мад., № 9, 759 мад., № 11, 1021 мад., № 12, 1177 мад.; 2007 с., № 2, 104 мад., № 5, 449 мад., № 6, 583 мад., № 7, 687 мад., № 9, 870 мад., № 11, ст. 1145, № 12, ст. 1277; 2008 г., № 2, ст. 71, № 3, ст. 169, № 4, ст. 276, № 5, 386 мад., № 6, 467 мад., № 7, 529 мад., № 10, 819 мад., № 11, 908 мад.; 2009 с., № 4, 269 мад., № 5, 358 мад., № 6, 479 мад., № 9, 677 мад., 683 мад., № 10, 790 мад., № 11, 862 мад.; 2010 с., № 2, 65 мад.) денъишмелер кирсетильсин, янъы тарирде арз этильсин:

«КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ КЪАРАРЫ

Къырым Мухтар Джумхуриетине аит мулькиетининъ теркиби­ акъкъында

Къырым Мухтар Джумхуриети Анаясасынынъ 26 маддесине, Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 459-2/99 санлы Къарарынен тасдикълангъан, Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамесине мувафыкъ

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетине аит мулькиети ашагъыдаки теркипте тайин этильсин:

а) Къырым Мухтар Джумхуриетине аит ишханелер, муэссиселер, тешкилятлар. (Иляве 1);

б) Къырым Мухтар Джумхуриетине аит ходжалыкъ джемиетлерининъ темель сермияларында акциялар (пайлар) (Иляве 2);

в) Къырым Мухтар Джумхуриетине аит ве «Таювгъа къаршы идарелиги» Къырым джум-хурий ишханеси балансында олгъан ялыны пекитюв ве таювгъа къаршы тертибатлар (Иляве­ 3);

г) Къырым Мухтар Джумхуриетине аит Къырым Мухтар Джумхуриетининъ мулькиет Фондунен иджаре мукъавелеси боюнджа файдаланувгъа теслим этильген бутюн мулькиет комплекслери (Иляве 4);

д) Къырым Мухтар Джумхуриетининъ бюджет параларына, Украина Девлет бюджетинден Къырым Мухтар Джумхуриетине уджретсиз айырылгъан ве Къырым Мухтар Джумхуриетине уджретсиз теслим этильген дигер паралар эсабына къурулгъан Къырым Мухтар Джумхуриетине аит къуруджылыгъы битмеген объектлер (Иляве 5);

е) саиплештирюв кетишатында мейдангъа кетирильген, ходжалыкъ джемиетлернинъ ве коллектив койходжалыгъы ишханелернинъ темель сермияларына кирсетильмеген (мескен фондундан­ гъайры), балансларында олгъан (варислернинъ балансларында) мулькиет (Иляве 6);

ж) Къырым Мухтар Джумхуриетине аит иджра акимиетининъ меркезий органлары идарелиги саасына теслим этильген я да девлет муэссиселернинъ амель идарелигине теслим этильген ишханелер, муэссиселер, тешкилятлар, дигер мулькиет (Иляве 7);

з) Къырым Мухтар Джумхуриетине аит уджретсиз файдаланувгъа теслим этильген объектлер­ (Иляве 8);

и) айырып чыкъарылгъан мулькиет теркибине саиплештирювде кирсетильмеген, саип­лештирюв кетишатында мейдангъа кетирильген ходжалыкъ субъектлерининъ ходжалыгъында ве балансларында къалгъан, файдаланувгъа эмек коллективлерге уджретсиз теслим этильген объектлер (Иляве 9);

к) саиплештирюв кетишатында мейдангъа кетирильген ходжалыкъ джемиетлернинъ ве коллектив койходжалыгъы ишханелернинъ темель сермияларына кирсетильмеген, ве баланс­ларында (варислернинъ балансларында) олгъан, Къырым Мухтар Джумхуриети мулькиет Фондунынъ аит реестрине кирсетильген, мескен фонду, шу сырада ятакъханелер;

л) Къырым Мухтар Джумхуриетине аит Къырым Мухтар Джумхуриетининъ бюджет паралары эсабына ве дигер Къырым Мухтар Джумхуриетине уджретсиз теслим этильген паралары эсабына къурулгъан объектлер (Иляве 10);

м) Къырым Мухтар Джумхуриетининъ акимиет органлары балансында эсапта олгъан ташылмагъан мулькиет (Иляве 11).

2. Къырым Юкъары Шурасынынъ 1992 сенеси июнь 29-да къабул этильген «Девлет (Къырым Джумхуриетининъ) мулькиетининъ ве мемурий-территораль бирлемлернинъ (коммуналь) мулькиетини айырув» 110-I санлы Къарары (Къырым Юкъары Шурасынынъ Топламы, 1991—1992 сс., № 8, 285 мад.) денъишмелер ве къошмаларнен мезкюр Къараргъа аит къысымында арекет эте.

3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.

2. Къырым Мухтар Джумхуриетине аит мулькиети теркибине кирсетюв акъкъында укюм Къырым Мухтар Джумхуриетининъ Юкъары Радасынен къабул этильген, лякин тайинленген тертипте теслим этильмеген, объектлерни къабул этюв боюнджа ишини тешкиль этмек Къырым Мухтар Джумхуриетининъ назирлер Шурасына авале этильсин.

3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.