Къырым Мухтар Джумхуриети Анаясасынынъ 17 маддесиндеки биринджи, экинджи къысымына, 18 маддесиндеки биринджи къысымынынъ 9 пунктына, 26 маддесиндеки экинджи къысымынынъ 35 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 38 пунктына, «Этрафтаки табиат муитни къорув акъкъында» Украина Къанунынынъ 14 маддесиндеки биринджи къысымынынъ «є» пунктына, «Украина табиат-къорукъ фонду акъкъында» Украина Къанунынынъ 24 маддесине мувафыкъ, Къырым Мухтар Джумхуриети Юкъары Радасынынъ 2007 сенеси декабрь 19-да къабул этильген «Къырым Мухтар Джумхуриетинде табиат-къорукъ фондунынъ территориялары ве объектлери агъларны кенишлев ве тертипке къоюв акъкъында» 708-5/07 санлы Къарарынынъ 5-нджи пункты эда этильмеси ичюн, айванат ве осюмлик алеми генофондыны сакълап къалув, дегерли табиат комплеклери ве объектлерини къорув, семерели туризм, раатлыкъ ве рекреацион фаалиетининъ дигер шекиллери ичюн шартлар яратув макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. «Тихая бухта» ерли месулиети олгъан региональ ландшафт паркнынъ территориясыны тешкиль этюв лейихасы тасдикълансын.
2. «Тихая бухта» ерли месулиети олгъан региональ ландшафт паркнынъ мемуриетине юкъарыда къайд этильген территорияны тешкиль этюв лейихасына мувафыкъ озь фаалиетини беджермек авале этильсин.
3. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |