КъМДж ЮР Къарары

УЛУ ВАТАН ДЖЕНКИ ВЕТЕРАНЛАРНЫ ИЧТИМАИЙ КЪОРЧАЛАВ БОЮНДЖА КЪАНУНДЖЫЛЫКЪ ВЕ ДИГЕР НОРМАТИВ-УКЪУКЪИЙ АКТЛАР, ШУ СЫРАДА УМУМДЕВЛЕТ ВЕ ДЖУМХУРИЙ ПРОГРАММАЛАР ВЕ ТЕДБИРЛЕР ЭДА ЭТИЛЬМЕСИ КЕТИШАТЫ АКЪКЪЫНДА

Къырым Мухтар Джумхуриети Анаясасынынъ 9 маддесиндеки учюнджи къысымына мувафыкъ, Улу Ватан дженки ветеранларнынъ ичтимаий къорчалавны теминлев, Улу Ватан дженкинде Гъалебенинъ 65 йыллыгъына азырлыкъ корюв ве кечирюв макъсадларында, Къырым Мухтар Джумхуриетининъ эмек ве ичтимаий сиясет назири И. И. Дышлевой тарафындан япылгъан Улу Ватан дженки ветеранларны ичтимаий къорчалав боюнджа къанунджылыкъ ве дигер норматив-укъукъий актлары эда этильмеси, шу сырада умумдевлет ве джумхурий программалар ве тедбирлери эда этильмеси кетишаты акъкъында малюматны динълеерек,

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ эмек ве ичтимаий сиясет назири И. И. Дышлевой тарафындан япылгъан Улу Ватан дженки ветеранларны ичтимаий къорчалав боюнджа къанунджылыкъ ве дигер норматив-укъукъий актлары эда этильмеси, шу сырада умумдевлет ве джумхурий программалар ве тедбирлери эда этильмеси кетишаты акъкъында малюмат козь огюне алынсын.

2. Къырым Мухтар Джумхуриетининъ назирлер Шурасына авале этильсин:

2.1. Улу Ватан дженкинде Гъалебенининъ 65 йыллыгъы себеби иле Улу Ватан дженки ветеранларнынъ даире ве эвлерини телефонларнен теминлевде багъ операторларнен бирликте къол тутув.

2.2. Къырым Мухтар Джумхуриетининъ шеэр ве район хастаханелеринде Улу Ватан дженки ветеранлары ичюн госпиталь одалары, болюклер агълары кенишлеви боюнджа иш алып барув. Улу Ватан дженки сакъатларынынъ ве муаребе адиселернинъ иштиракчилерини тиббий тешкерюв ве бакъым эвлерине ерлештирюв. Сонъра нетиджелери боюнджа зарур олгъанда тедавийлев-огюни алув муэссиселеринде оларны ерлештирюв.

2.3. Теминлемек:

накълиеджилернинъ ве мюджеррет чалышып оламагъан гражданларгъа ичтимаий хызмет косьтерюв территориаль меркезлеринде Улу Ватан дженки ветеранларгъа ичтимаий ярдым, ичтимаий-маиший ве тиббиет-ичтимаий акъланув болюклеринде лязим хызмет косьтерюв;

Улу Ватан дженки ветеранларгъа — Къырымны мудафаа этюв ве азат этюв иштиракчилерине бир керелик маддий ярдым телев;

Гъалабе Куню себеби иле Улу Ватан дженки ветеранларына бир керелик маддий ярдым телев.

2.4. Улу Ватан дженки ветеранларнынъ иштираки иле теле- ве радиояйынлар кечирильмеси, «Биз сизни унутмадыкъ» телемарафон тешкиль этильсин.

3. Къырым Мухтар Джумхуриетинде ерли мустакъиль идарелиги органларына ве район девлет мемуриетлерге тевсие этильсин:

3.1. Къырым Мухтар Джумхуриетинде Улу Ватан дженкининъ Ветеранлар йылы кечирильмеси себеби иле азырлыкъ корьмек боюнджа Къырым Мухтар Джумхуриетинде иджра акимиети ве ерли мустакъиль идарелигининъ аит органларынен тасдикълангъан тедбирлернинъ вакътында эда этильмеси теминленсин.

3.2. 2010 сенесинде ерли бюджетлер тешкиль этильмеси заманда пара васталары козь огюнде тутулсын:

дженк ветеранлары ичюн санаторий-курорт еллама сатын алынмасы ичюн;

дженк ветеранлары ичюн биринджи невбет бедава тишпротезлеви кечирильмеси ичюн ве экимлернинъ рецептлери боюнджа оларны бедава иляджларнен теминлев;

Улу Ватан дженкинде Гъалебенинъ 65-нджи йыллыгъы себеби иле Улу Ватан дженки ветеранларгъа хатыра бахшышлар сатын алмакъ ве маддий ярдым косьтермек ичюн.

3.3. Улу Ватан дженки ветеранларнынъ шеэр ве шеэр янында автомобиль накълиесинде имтиязлы юрмесини теминлев боюнджа аджеле тедбирлер къабул этильсин, Улу Ватан дженки ветеранларгъа амельдеки къанунджылыкънен козь огюнде тутулгъан имтиязлар такъдим этильсин.

3.4. Улу Ватан дженкининъ муджеррет ветеранларнынъ мескен-маиший вазиетини тешкерюв, нетиджелери боюнджа мезкюр категориядаки гражданларны аит яшайыш шартларынен теминлев боюнджа тедбирлер къабул этильсин.

4. Мезкюр Къарар эда этильмеси боюнджа незарет Къырым Мухтар Джумхуриети Юкъа­ры Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.