Къырым Мухтар Джумхуриети Анаясасынынъ 26 маддесиндеки экинджи къысымынынъ 22, 23 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 23, 24 пунктларына мувафыкъ, Къырым Мухтар Джумхуриетининъ ичтимаий-икътисадий инкишафы идарелигини мукеммеллештирмек, Къырым Мухтар Джумхуриетининъ иджра акимиети органларынынъ къурулышыны къавийлештирмек макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Юкъары Шурасынынъ Норматив-укъукъий акты Къырым Мухтар Джумхуриетининъ 1997 сенеси февраль 3-те къабул этильген «Къырым Мухтар Джумхуриетининъ назирлер Шурасы акъкъында» 1024-1 санлы Къанунына (Къырым Джумхуриетининъ къанунджылыкъ Топламы, 1997 с., № 2, 49 мад., № 7, 445 мад.; Къырым Мухтар Джумхуриетининъ норматив-укъукъий актлар Топламы, 1998 с., № 7, 472 мад., № 10, 799 мад., № 12, 1019 мад.; 1999 с., № 1, 16 мад., № 4, 335 мад., № 10, 995 мад.; 2000 с., № 12, 1325 мад.; 2001 с., № 6, 578 мад., № 9, 927 мад., № 11, 1202 мад.; 2002 с., № 2, 101 мад., № 5, 360 мад., № 11, 1189 мад.; 2003 с., № 3, 213 мад.; 2004 с., № 2, 62 мад., № 11, 984 мад.; 2005 с., № 2, 81 мад., № 5, 359 мад., 378 мад., № 9, 796 мад., 811 мад., № 10, 939 мад.; 2006 с., № 2, 19 мад., № 6, 355 мад., № 7, 499 мад.) ашагъыдаки денъишмелер кирсетильсин:
1) 4 маддесининъ биринджи къысымында «Къырым Мухтар Джумхуриети назирлер Шурасы Реисининъ учь биринджи муавинлери, Къырым Мухтар Джумхуриети назирлер Шурасы Реисининъ учь муавини» сезлери «Къырым Мухтар Джумхуриети назирлер Шурасы Реисининъ биринджи муавини, Къырым Мухтар Джумхуриети назирлер Шурасы Реисининъ секиз муавини» сезлерине денъиштирильсин;
2) 15 маддесиндеки экинджи къысымынынъ 2.1 пункты ашагъыдаки тарирде арз этильсин:
«2.1. Къырым Мухтар Джумхуриетининъ Назирликлери:
Къырым Мухтар Джумхуриетининъ икътисадият Назирлиги;
Къырым Мухтар Джумхуриетининъ малие Назирлиги;
Къырым Мухтар Джумхуриетининъ санайы сиясети Назирлиги;
Къырым Мухтар Джумхуриетининъ накълие ве алякъа Назирлиги;
Къырым Мухтар Джумхуриетининъ якъарлыкъ ве энергетик Назирлиги;
Къырым Мухтар Джумхуриетининъ курорт ве туризм Назирлиги;
Къырым Мухтар Джумхуриетининъ медениет ве санаат Назирлиги;
Къырым Мухтар Джумхуриетининъ аграр сиясети Назирлиги;
Къырым Мухтар Джумхуриетининъ эмек ве ичтимаий сиясети Назирлиги;
Къырым Мухтар Джумхуриетининъ тасиль ве илим Назирлиги;
Къырым Мухтар Джумхуриетининъ сагълыкъны сакълав Назирлиги;
Къырым Мухтар Джумхуриетининъ къуруджылыкъ сиясети ве мимарлыкъ Назирлиги;
Къырым Мухтар Джумхуриетининъ мескен-коммуналь ходжалыгъы Назирлиги;
Къырым Мухтар Джумхуриетининъ къоранта ве яшлар ишлери боюнджа Назирлиги».
2. Къырым Мухтар Джумхуриетинде къанунджылыкъ тешеббюслери Меркези мейдангъа кетирильсин.
3. Къырым Мухтар Джумхуриетининъ санайы сиясети, накълие, алякъа ве якъарлыкъ-энергетик комплекси Назирлиги Къырым Мухтар Джумхуриетининъ санайы сиясети Назирлигине, Къырым Мухтар Джумхуриетининъ накълие ве алякъа Назирлигине ве Къырым Мухтар Джумхуриетининъ якъарлыкъ ве энергетик Назирлигине такъсим этильмеси иле гъайрыдан тешкиль этильмеси Къырым Мухтар Джумхуриетининъ назирлер Шурасына авале этильсин.
4. Къырым Мухтар Джумхуриетининъ иджра акимиети органларыны гъайрыдан тешкиль этмек ве адландырмакъ боюнджа тедбирлернинъ амельдеки къанунджылыгъынен тайинленген тертипте эда этильмеси Къырым Мухтар Джумхуриети назирлер Шурасынынъ Реисине авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |