Къырым Мухтар Джумхуриети Анаясасынынъ 26 маддесиндеки экинджи къысымынынъ 17 пунктына, 32 маддесине, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 18 пунктына, 11, 15 мадделерине мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ даимий комиссиясы статусы иле Къырым Мухтар Джумхуриети Юкъары Радасынынъ къабарджылыкънынъ огюни алув меселелери боюнджа Комиссиясы тешкиль этильсин.
2. Къырым Мухтар Джумхуриети Юкъары Радасынынъ даимий комиссиясы статусы иле Къырым Мухтар Джумхуриети Юкъары Радасынынъ къабарджылыкънынъ огюни алув меселелери боюнджа Комиссиясынынъ реиси оларакъ Лубина Людмила Евгеньевна — «Халкъ оппозициясы» Наталия Витренко Блокундан сайлангъан, Къырым Мухтар Джумхуриети Юкъары Радасынынъ депутаты сайлансын.
3. Къырым Мухтар Джумхуриети Юкъары Радасынынъ къабарджылыкънынъ огюни алув меселелери боюнджа Комиссиясынынъ реиси Л. Е. Лубинагъа мезкюр Комиссиясы акъкъында низамнамени ве онынъ теркибини Къырым Мухтар Джумхуриетининъ Юкъары Радасына музакере этювге тайинленген тертипте кирсетмек авале этильсин.
4. Къырым Мухтар Джумхуриети Юкъары Радасынынъ 1998 сенеси июнь 30-да къабул этильген 109-II санлы Къарарынен (Къырым Мухтар Джумхуриетининъ норматив-укъукъий актлар Топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад.; 2006 с., № 7, 496 мад., № 10, 887 мад.; 2007 с., № 4, 316 мад., № 10, 995 мад.; 2008 с., № 2, 72 мад.; 2009 с., № 9, 686 мад.) тасдикълангъан Къырым Мухтар Джумхуриети Юкъары Радасынынъ Регламентине ашагъыдаки денъишме кирсетильсин:
71 маддесининъ экинджи къысымында «Къырым Мухтар Джумхуриети Юкъары Радасынынъ акълангъанларнынъ акъ-укъукъларыны гъайрыдан тиклев меселелери боюнджа Комиссиясы» сезлерине «Къырым Мухтар Джумхуриети Юкъары Радасынынъ къабарджылыкънынъ огюни алув меселелери боюнджа Комиссиясы» сезлери къошулсын.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | В. КОНСТАНТИНОВ |
Симферополь ш., 2010 сенеси, |