Украина Анаясасынынъ 135 маддесиндеки биринджи къысымына, Къырым Мухтар Джумхуриети Анаясасынынъ 26 маддесиндеки экинджи къысымынынъ 1 пунктына, 27 маддесининъ биринджи къысымына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. 1998 сенеси декабрь 23-те къабул этильген «Къырым Мухтар Джумхуриетининъ Анаясасыны тасдикълав акъкъында» 350-XIV санлы Украина Къанунынен (Украина Юкъары Радасынынъ Ведомостлери, 1999 с., № 5-6, 43 мад.; 2009 с., № 31, 460 мад.) тасдикълангъан Къырым Мухтар Джумхуриетининъ Анаясасына ашагъыдаки денъишмелер кирсетильсин:
1 маддесиндеки учюнджи къысымынынъ биринджи сатырбашы ашагъыдаки тарирде арз этильсин:
«3. Къырым Мухтар Джумхуриетининъ темсильджи органынынъ ресмий ады рус тилинде «Къырым Мухтар Джумхуриетининъ Юкъары Шурасы» оларакъ къуллансын. Къырым Мухтар Джумхуриетининъ Юкъары Шурасы мухтариетнинъ темсильджи органы оларакъ темсильджи, нормояратыджылыкъ, незарет функцияларыны ве озь компетенциясы черчивесиндеки векялетлерини эда эте»;
бутюн метин боюнджа «Къырым Мухтар Джумхуриетининъ Юкъары Радасы» сезлери аит келишлерде «Къырым Мухтар Джумхуриетининъ Юкъары Шурасы» сезлерине денъиштирильсин;
29 маддесининъ экинджи къысымында «Юкъары Радасынынъ Реиси» сезлери «Юкъары Шурасынынъ Реиси» сезлерине денъиштирильсин.
2. Мезкюр Къарар Украина къануны иле тайинленген тертипте тасдикъланмасы ичюн Украина Юкъары Радасына еллансын.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2010 сенеси, |