КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1999 СЕНЕСИ АПРЕЛЬ 21-ДЕ КЪАБУЛ ЭТИЛЬГЕН 459-2/99 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНЕ АИТ Я ДА ОНЫНЪ ИДАРЕЛИГИНЕ ТЕСЛИМ ЭТИЛЬГЕН МУЛЬКИЕТИНЕН ИДАРЕ ЭТЮВ ТЕРТИБИ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 138 маддесиндеки биринджи къысымынынъ 3 пунктына, Къырым Мухтар Джумхуриети Анаясасынынъ 26 маддесиндеки экинджи къысымынынъ 1, 4 пунктларына мувафыкъ

Къырым Мухтар Джумхуриетининъ Юкъары Радасы   к ъ а р а р  б е р е:

1. Къырым Мухтар Джумхуриети Юкъары Радасынынъ 1999 сенеси апрель 21-де къабул этильген 459-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 1, 1 мад., № 10, 1057 мад.) тасдикълангъан Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамесине ашагъыдаки денъишмелер кирсетильсин:

1) 6 пунктынынъ 6.1 пунктастынынъ алтынджы сатырбашы ашагъыдаки тарирде арз этильсин:

«Къырым Мухтар Джумхуриетине аит ходжалыкъ джемиетлерининъ темель сермияларындаки акциялары (иссе, пайлары), эм де Къырым Мухтар Джумхуриетине аит бирлешюв фаалиетиндеки исселери (адлие шахсы асыл олмасыз)»;

2) 20 пунктында:

учюнджи сатырбашы ашагъыдаки тарирде арз этильсин:

«Къырым Мухтар Джумхуриетине аит ходжалыкъ джемиетлерининъ темель сермияларындаки акциялар пакетлеринен (иссе, пайлар), эм де Къырым Мухтар Джумхуриетине аит бирлешюв фаалиетиндеки исселеринен (адлие шахсы асыл олмасыз) тайинленген тертипте идаре этюв»;

ашагъыдаки мундериджели сатырбашларынен текмилленсин:

«Къырым Мухтар Джумхуриетине аит, шу сырада ходжалыкъ джемиетлерининъ темель сермияларына кирсетильмеген, мулькиети тарзында салымны Къырым Мухтар Джумхуриети Юкъары Радасынен тайинленген тертипте бирлешюв фаалиетине кирсетюв укъукъынен бирлешюв фаалиети (адлие шахсы асыл олмасыз) акъкъында мукъавеле боюнджа тарафлары;

Къырым Мухтар Джумхуриетине аит, ишханелернинъ саиплештирюв кетишатында ходжалыкъ джемиетлерининъ темель сермияларына кирсетильмеген чокъкъатлы мескен эвлернинъ саиплери бирлешмелерини мейдангъа кетирюв ве арекет этювинде иштираки иле саиплештирювге менсюп олмагъан яшалгъан ве яшалмагъан биналарнынъ саиби векялетли шахсы;

Къырым Мухтар Джумхуриетине аит ишханелерининъ саиплештирюв кетишатында мейдангъа кетирильген ходжалыкъ джемиетлерининъ темель сермияларына кирсетильмеген мескен эвлерни чокъкъатлы мескен эвлернинъ саиплери бирлешмелери балансына теслим этюв акъкъында укюмлерини къабул этюв»;

3) 21 пунктынынъ 21.1 ве 21.2 пунктастлары ашагъыдаки тарирде арз этильсин:

«21.1. Къырым Мухтар Джумхуриетине аит ташылмагъан мулькиети, ишханелернинъ бир бутюн мулькиет комплекслери, муэссиселер ве тешкилятлары, Къырым Мухтар Джумхуриетине аит ходжалыкъ джемиетлерининъ темель сермияларындаки акциялар пакетлери (иссе, пайлар), эм де Къырым Мухтар Джумхуриетине аит бирлешюв фаалиетиндеки (адлие шахсы айдын олмасыз) исселери айырып чыкъарылмасы мезкюр Къарарнынъ 18.1 пунктастынен тайин­ленген тертипте Къырым Мухтар Джумхуриети Юкъары Радасынынъ укюми боюнджа эда этиле.

21.2. Мулькиетини айырып чыкъармакъ ичюн ашагъыда кетирильген усуллар:

бир бутюн мулькиет комплекслерини, ташылмагъан мулькни саиплештирюв;

Къырым Мухтар Джумхуриетине аит мулькиетини девлет я да коммуналь мулькчилигине теслим этюв;

Къырым Мухтар Джумхуриетине аит ходжалыкъ джемиетлерининъ темель сермияларындаки акциялар пакетлери (иссе, пайлар), эм де Къырым Мухтар Джумхуриетине аит бирлешюв фаалиетиндеки исселери (адлие шахсы айдын олмасыз) сатылувы».

2. Мезкюр Къарар къабул этильген кунюнден арекетке кире.