КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР ТАКЪДИМ ЭТИЛЬМЕСИ АКЪКЪЫНДА РИДЖАНАМЕЛЕРИНИ УЙГЪУНЛАШТЫРУВ АКЪКЪЫНДА

Къырым Мухтар Джумхуриети Анаясасынынъ 18 маддесиндеки биринджи къысымынынъ 2 ве 9 пунктларына, 26 маддесиндеки экинджи къысымынынъ 31 пунктына, Ер асты байлыкълары акъкъында Украина къануннамесининъ 9 маддесиндеки 2 пунктына, 16 ве 19 мад­делерине, Украина Назирлер Кабинетининъ 2009 сенеси июнь 17-де къабул этильген 608 санлы Къарарынен тасдикълангъан ер асты байлыкъларындан файдаланмакъ ичюн махсус изинлерни 2009 сенесинде такъдим этюв Тертибининъ 8 пунктына мувафыкъ

Къырым Мухтар Джумхуриетининъ Юкъары Радасы   к ъ а р а р  б е р е:

1. Ер асты байлакъларындан файдаланмакъ ичюн махсус изинлернинъ аукционсыз такъдим этильмеси акъкъында риджанамелери уйгъунлаштырылсын:

1) «Черноморнефтегаз» Девлет акционер джемиетине (Симферополь ш.) — Къырым Мухтар Джумхуриетининъ Ленино районынынъ Фонтановское газоконденсант ер догъумыны амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн;

2) «Алушта ш. сувагъы-канализацион ходжалыгъынынъ истисал ишханеси» Къырым джумхурий ишханесине (Алушта ш.) — Малореченское кой шурасынынъ эали яшагъан пунктларыны махсуслаштырылгъан сувнен теминлев макъсадларында Къырым Мухтар Джумхуриетининъ Алушта шеэр шурасынынъ топракъларында Горное ер догъумынынъ Биюк-Озен дамартысында (№ 5920, № 5922 бужарлары) ер асты татлы сувларны чыкъармакъ ичюн;

3) «Новофедоровка» коммуналь ишханесине (Новофедоровка шчкъ, Саки районы) — Новофедоровка шчкъ ходжалыкъ-ичильген сувнен теминлев макъсадларында Къырым Мухтар Джумхуриетининъ Саки районында Альминское ер догъумынынъ Альминский-2 дамартысында ер асты татлы сувларны чыкъармакъ ичюн (Сармат ер астындаки голь, №№ 4295, 4296, 4298 бужарлары);

4) Петровка к. мескен-коммуналь ходжалыгъы боюнджа истисал идарелигине (Петровка к., Красногвардейское р-ны) — Къырым Мухтар Джумхуриетининъ Красногвардейское районында Северо-Сивашское ер асты татлы сувлары ер догъумынынъ Красногвардейский-1 дамартысында амелий-истисал ишлеп чыкъарув имкяны олгъан геологик тедкъикъаты боюнджа ишлер алып барылмасы ичюн (№№ 1934, 1757, 1947, 1935, 1960, 2001, 2002, 2012, 2014, 2003, 1951, 1703, 1714, 2011, 1767, 1772, 1721, 1740, 1731 бужарлары);

5) Петровка к. мескен-коммуналь ходжалыгъы боюнджа истисал идарелигине (Петровка к., Красногвардейское районы) — ходжалыкъ-ичильген сувнен теминлев макъсадларында Къырым Мухтар Джумхуриетининъ Красногвардейское районында Северо-Сивашское ер догъумынынъ (понт-мэотик ер астындаки голь, № 1723, № 1739 бужарлары) Красногвардейский-1 дамартысында ер асты татлы сувларны чыкъармакъ ичюн;

6) «М. В. Хруничева адына Девлет феза ильмий-истисал меркези» федераль девлет унитар ишханесине (Москва ш., Русие Федерациясы) — «Планета» тедавийлев пансионатыны ходжалыкъ-ичильген сувнен теминлев макъсадларында Къырым Мухтар Джумхуриетининъ Евпатория шеэр шурасы топракъларында Альминское ер догъумынынъ Евпаторийский дамартысында ер асты татлы сувларны чыкъармакъ ичюн;

7) 76410 арбий къысымына (Гвардейское-1 к., Симферополь районы) — ходжалыкъ-ичильген сувнен теминлев макъсадларында Къырым Мухтар Джумхуриетининъ Симферополь районында Альминское ер догъумынынъ Гвардейский дамартысында (ортамиоцен ер астындаки голь, № 4734, № 5810 бужарлары) ер асты татлы сувларны чыкъармакъ ичюн.

2. Мезкюр Къарар къабул этильген кунюнден арекетке кире.