Къырым Мухтар Джумхуриети Анаясасынынъ 17 маддесиндеки биринджи ве экинджи къысымларына, 18 маддесиндеки биринджи къысымынынъ 9 пунктына, 26 маддесиндеки экинджи къысымынынъ 35 пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 маддесиндеки экинджи къысымынынъ 38 пунктына, «Этрафтаки табиат муитини къорув акъкъында» Украина Къанунынынъ 14 маддесиндеки биринджи къысымынынъ «є» пунктына ве «Украинанынъ табиат-къорукъ фонду акъкъында» Украина Къанунынынъ 39, 40, 53 мадделерине мувафыкъ, къыйметли табиат комплекслерни къорув, «Тихая бухта» (Узун-Сырт йылгъасы (Клементьева дагъы) ерли месулиети олгъан региональ ландшафт паркына битишик территориясында ходжалыкънынъ осал тесири олгъан фаалиетининъ огюни алув макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. Кировское районынынъ Первомайское кой шурасы (200 га), Феодосия ш. Насыпное кой шурасы (190 га), Феодосия ш. Коктебель къасаба шурасы (190 га) топракъларында ерлешкен 580 га умумий мейданлыгъынен «Тихая бухта» ерли месулиети олгъан региональ ландшафт паркнынъ къорув зонасы тайинленсин.
2. «Тихая бухта» ерли месулиети олгъан региональ ландшафт паркнынъ къорув зонасы акъкъында Низамнамеси тасдикълансын (иляве этиле).
3. Къырым Мухтар Джумхуриетининъ этрафтаки табиат муитини къорув боюнджа Джумхурий комитетине «Тихая бухта» ерли месулиети олгъан региональ ландшафт паркнынъ мемуриетинен бирликте бир йыл девамында «Тихая бухта» ерли месулиети олгъан региональ ландшафт паркнынъ къорув зонасы сынъырларыны косьтерюв боюнджа ишлер алып барылсын.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве анълакъсал табиаттан файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2010 сенеси, |