Къырым Мухтар Джумхуриети Анаясасынынъ 18 маддесиндеки биринджи къысымынынъ 17 пунктына, 26 маддесиндеки экинджи къысымынынъ 1, 11 пунктларына, «Энергоихтият акъкъында», «Дигер энергик менбалары акъкъында» Украина къанунларына, Украина Президентининъ 2008 сенеси июль 28-де къабул этильген 679/2008 санлы Ферманынен амельге кечирильген «Якъарлыкъ-энергетик ресурсларындан семерели файдаланмасыны теминлев боюнджа девлет сиясетини амельге кечирюв вазиети акъкъында» Украинанынъ миллий хафсызлыгъы ве менфааты Шурасынынъ укюмине, Украина Назирлер Кабинетининъ 2009 сенеси июль 29-да къабул этильген 891-р санлы эмиринен тасдикълангъан 2015 сенесине къадар региональ инкишафынынъ Девлет стратегиясыны амельге кечирюв боюнджа 2010 сенесине тедбирлер Планынынъ 3 пунктындаки 2 пунктастына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2010—2014 сенелерине энергоихтият Программасы тасдикълансын (иляве этиле).
2. Къырым Мухтар Джумхуриетининъ назирлер Шурасына:
2.1. Къырым Мухтар Джумхуриетинде 2010—2014 сенелерине энергоихтият Программасынынъ тедбирлери эда этильмеси теминленсин.
2.2. Къырым Мухтар Джумхуриетинде 2010—2014 сенелерине энергоихтият Программасы эда этильмеси ичюн Къырым Мухтар Джумхуриети бюджетининъ малиенен теминлиги сынъырларында аит йылгъа Къырым Мухтар Джумхуриети бюджетининъ лейихалары тешкиль этильмеси заманда эр йыл паралар козьде тутулсын.
2.3. Къырым Мухтар Джумхуриетинде 2010—2014 сенелерине энергоихтият Программасыны амельге кечирюв боюнджа тедбирлери эда этильмеси эр йыл талиль этильсин ве март айнынъ 10 кунюнедже эда этильмеси кетишаты акъкъында малюмат Къырым Мухтар Джумхуриетининъ Юкъары Радасына берильсин.
3. Къырым Мухтар Джумхуриетиндеки ерли мустакъиль идарелиги органларына тевсие этильсин:
3.1. 2010—2014 сенелерине ерли бюджетлерининъ лейихалары тешкиль этильгенде Къырым Мухтар Джумхуриетинде 2010—2014 сенелерине энергоихтият Программасынынъ тедбирлери эда этильмеси ичюн паралар козьде тутулсын.
3.2. Къырым Мухтар Джумхуриетинде 2010—2014 сенелерине энергоихтият Программасынынъ эда этильмеси акъкъында малюмат эр йыл август айнынъ 10 кунюне къадар ве февраль айнынъ 10 кунюнедже Къырым Мухтар Джумхуриетининъ назирлер Шурасына такъдим этильсин.
4. Мезкюр Къарар эда этильмеси боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетик комплекси боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2010 сенеси, |